එක්සත් ජනතා නිදහස් සන්ධානයෙන් පාර්ලිමේන්තුවට තේරී පත්වී ශ්‍රී ලංකා පොදුජන පෙරමුණේ සාමාජිකත්වය ලබා ගැනීම නිසා හිටපු ජනාධිපති, මහින්ද රාජපක්...
එක්සත් ජනතා නිදහස් සන්ධානයෙන් පාර්ලිමේන්තුවට තේරී පත්වී ශ්‍රී ලංකා පොදුජන පෙරමුණේ සාමාජිකත්වය ලබා ගැනීම නිසා හිටපු ජනාධිපති, මහින්ද රාජපක්ෂ මහතාට පාර්ලිමේන්තු මන්ත්‍රී ධූරය දැරීමට ඇති හැකියාව විමර්ශනය කරන ලෙස ඉල්ලා පාර්ලිමේන්තු මන්ත්‍රීවරුන් 9 දෙනෙකු අත්සන් කළ යෝජනාවක් කතානායකවරයා වෙත භාර දී තිබේ.
හිටපු ජනාධිපති මහින්ද රාජපක්ෂ මහතා විපක්ෂ නායක ධූරයට පත් කළ අවස්ථාවේදී ඊටද විරෝධය පළ වුණේ ඔහු තවදුරටත් පාර්ලිමේන්තු මන්ත්‍රීවරයෙකු ලෙස කටයුතු නොකරන බව පවසමිනි.
පවතින තත්වය හමුවේ කතානායකවරයා අද නිවේදනය කළේ මහින්ද රාජපක්ෂ මහතාගේ පාර්ලිමේන්තු මන්ත්‍රී ධූරය සම්බන්ධයෙන් සිය තීරණය සියලු පාර්ශව වල අදහස් සැලකිල්ලට ගනිමින් කඩිනමින් ප්‍රකාශයට පත් කරන බවයි.
COMMENTS