බෙහෙත් නොමැතිව රෝගීන් රෝහල්වල සුසුම් හෙලද්දී ශ්‍රී ලංකාවේ සෞඛ්‍ය ඇමතිවරයා තමන් විසින්ම තමන්ට උපහාර උළෙලක් පවත්වා ගැනීම හාස්‍ය ජනක බව පාරිභ...
බෙහෙත් නොමැතිව රෝගීන් රෝහල්වල සුසුම් හෙලද්දී ශ්‍රී ලංකාවේ සෞඛ්‍ය ඇමතිවරයා තමන් විසින්ම තමන්ට උපහාර උළෙලක් පවත්වා ගැනීම හාස්‍ය ජනක බව පාරිභෝගික අයිතීන් සුරැකීමේ ජාතික ව්‍යාපාරය පවසයි.
“සුවපති අභිශේකය’’ ලෙස නම් කරමින් ‘’හුස්ම ගන්නා මිනිසුන්ගේ කතාව’’ යන්නෙන් නම් කර සෞඛ්‍ය අමාත්‍යවරයා විසින් 2018/07/31 දින කොළඔ නෙලුම් පොකුණ රගහළේදී සවස 2 ට තමන් වෙනුවෙන් තමන් විසින්ම පවත්වා ගනු ලබන උපහාර උළෙලට සහභාගීවන පිරිසගෙන් අප සංවිධානය ඉල්ලා සිටින්නේ එදිනම සවස 5 කොළඔ ජාතික රෝහලටද පැමිණ මෙරට ‘’හුස්ම ඉල්ලා සිටින මිනිසුන්ගේ කතාව’’ සියසින් දැක බලා ගැනීම සදහාද පැමිණෙන ලෙසය.“ යැයි නිවේදනයක් නිකුත් කරමින් එම සංවිධානය අවධාරණය කරයි.
එම නිවේදනය පහතින්,
නිදහස් සෞඛ්‍ය සේවය පිරිහී රෝගීන් දුක් විදිද්දී, සෞඛ්‍ය ඇමතිගෙන් සෞඛ්‍ය ඇමතිටම උපහාර උළෙලක්.
බෙහෙත් නොමැතිව රෝගීන් රෝහල්වල සුසුම් හෙලද්දී ශී ලංකාවේ සෞඛ්‍ය ඇමතිවරයා තමන් විසින්ම තමන්ට උපහාර උළෙලක් පවත්වා ගැනීම හාස්‍ය ජනකය. මීට පෙර ෙඖෂධ වර්ග 48 මිල අඩු කලා යැයි උදම් ඇනීමට මිලියන ගණනක් වියදම් කොට පෝස්ටර් ගැසූ අප සෞඛ්‍ය ඇමතිවරයා තමන්ට උපහාර වශයෙන් තමන්ම උපහාර උළෙලක් සංවිධානය කර ගන්නේද මේ රටේ ජනතාවගේ බදු මුදලින් වීම ජුගුස්සාජනකය. නෙලුම් පොකුණ වැනි මිල අධික ස්ථානයක මෙවැනි උපහාර උළෙලක් පැවැත්වීම තුළින්ම සෞඛ්‍ය ඇමතිවරයාගේ මානසිකත්වය කෙසේද? යන්න තේරැම් ගන්නා ලෙස අප මෙරට ජනතාවගෙන් ඉල්ලා සිටිමු.
ඉතිහාසයේ කවරදාකටවත් වඩා අද වන විට නිදහස් සෞඛ්‍ය සේවාව පිරිහී ඇත. ජාතික අක්ෂිරෝහලේ කාච හිගයෙන් රෝගීන් පීඩා විදී. රෝහල්වල වෛද්‍යවරැ රෝගීන්ට අවශ්‍ය බෙහෙත් භාහිර ඔසුසල් වලින් මිලදී ගැනීමට තුන්ඩු ලබා දෙයි. රැධිර පරීක්ෂණ සදහා රෝගීන් විශාල පිරිසක් පුද්ගලික රස‌ායනාගාර වල පෝලිම්වලය. පිළිකා එන්නත් මිලදී ගැනීමේ ටෙන්ඩරයේ පාඩුව මිලියන සිය ගණනකි. සෞඛ්‍ය ඇමතිවරයා තමන්ටම තමන් විසින් උපහාර උළෙලක් සංවිධානය කර ගනී. මෙවැනි මානසික රෝගීන්ට අනුකම්පා කිරීම හැර වෙන කල හැකි කිසිදෙයක් නොමැතිය ජනතාව අසරණවී සිටී.
‘’සුවපති අභිශේකය’’ ලෙස නම් කරමින් ‘’හුස්ම ගන්නා මිනිසුන්ගේ කතාව’’ යන්නෙන් නම් කර සෞඛ්‍ය අමාත්‍යවරයා විසින් 2018/07/31 දින කොළඔ නෙලුම් පොකුණ රගහළේදී සවස 2 ට තමන් වෙනුවෙන් තමන් විසින්ම පවත්වා ගනු ලබන උපහාර උළෙලට සහභාගීවන පිරිසගෙන් අප සංවිධානය ඉල්ලා සිටින්නේ එදිනම සවස 5 කොළඔ ජාතික රෝහලටද පැමිණ මෙරට ‘’හුස්ම ඉල්ලා සිටින මිනිසුන්ගේ කතාව’’ සියසින් දැක බලා ගැනීම සදහාද පැමිණෙන ලෙසය.
සෞඛ්‍ය ඇමතිතුමනි,මිනිසුන් වෙනුවෙන් අවංකව වැඩ කරන්න එවිට එම මිනිසුන් ඔබට උපහාර කරනු ඇත.එය සැබෑ උපහාරයයි! එවිට ඔබට කුලියට මිනිසුන් ගෙන උපහාර උළෙලවල් පැවැත්වීමට සිදුනොවනු ඇත.
රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය
COMMENTS