ලංකා මුස්ලිම් කොංග්‍රසය හා දෙමළ ජාතික සන්ධානය, බහුතරයක් නොමැති නැගෙනහිර පළාතේ පළාත් පාලන ආයතනවල බලය ලබා ගැනීමේදී එක්ව සිටීමට එකඟත්වයක් ඇති...
ලංකා මුස්ලිම් කොංග්‍රසය හා දෙමළ ජාතික සන්ධානය, බහුතරයක් නොමැති නැගෙනහිර පළාතේ පළාත් පාලන ආයතනවල බලය ලබා ගැනීමේදී එක්ව සිටීමට එකඟත්වයක් ඇතිකර ගත්බව ශ්‍රී ලංකා මුස්ලිම් කොංග්‍රසයේ නායක අමාත්‍ය රවුෆ් හකීම් මහතා සදහන් කළේය.
දෙමළ සන්ධාන නායක හා විපක්‍ෂ නායක ආර්.සම්බන්ධන් මහතා සමග ත්‍රිකුණාමලයේ පිහිටි සිය නිවසේදී හමුවී ඇතිකරගත් එකඟත්වයකින් පසු මාධ්‍ය වෙත අදහස් දක්වමින් ශ්‍රී ලංකා මුස්ලිම් කොංග්‍රස් නායකයා මෙලෙස කියා සිටියේය.
"කුච්චවේලි ප්‍රාදේශීය සභාවේ බලය ලබා ගැනීමට යෑමේදී දෙමළ ජාතික සන්ධාන ප්‍රශ්නයක් ඇතිවුණා.මේ තත්ත්වය නැතිකරගෙන ඉදිරියට වැඩ කිරීමට අපි සාකච්ඡා කළා. ඒ අනුව මුතූර් සභාවේ සභාපති ධුරය මුස්ලිම් කොංග්‍රසයත්, උපසභාපති ධුරය දෙමළ සන්ධානයටත් ලබා දෙන්න එකඟ වුණා. කින්නියා නගර සභාවේ බලය ගන්න ඒ අය අපට උදව් කරනවා කිව්වා. මෙය ත්‍රිකුණාමලයට විතරක් නොවෙයි. අපට බලය ලබාගත හැකි සෑම තැනකදීම දෙමළ ජාතික සන්ධානය එක්ව කටයුතු කිරීමට එකඟත්වයක් ඇති කර ගත්තා."
COMMENTS