ජනතාව පදිංචි කරන මුවාවෙන් විල්පත්තු වනාන්තරය විනාශ කරන බව සඳහන් කරමින් ඉදිරිපත් කොට ඇති පෙත්සමක් සළකා බැලූ අභියාචනාධිකරණය හිටපු අමාත්‍ය බැ...
ජනතාව පදිංචි කරන මුවාවෙන් විල්පත්තු වනාන්තරය විනාශ කරන බව සඳහන් කරමින් ඉදිරිපත් කොට ඇති පෙත්සමක් සළකා බැලූ අභියාචනාධිකරණය හිටපු අමාත්‍ය බැසිල් රාජපක්‍ෂ සහ අමාත්‍ය රිෂාඩ් බදියුදීන් මහත්වරුන්ට ලබන 05 වැනිදා අධිකරණයේ පෙනී සිටීමට නොතීසි බාර දෙන ලෙස පැමිණිලිකරුවන්ට නියෝග කළේය.
නීතීඥ නාගානන්ද කොඩිතුවක්කු මහතා විසින් ඉදිරිපත් කොට ඇති පෙත්සමක් සළකා බැලූ අභියාචනාධිකරණයේ සභාපති විනිසුරු ප්‍රීතී පද්මන් සුරසේන සහ ශිරාන් ගුණරත්න මහත්වරුන්ගෙන් සැදුම්ලත් විනිසුරු මඩුල්ලක් විසින් අදාළ නියෝගය නිකුත් කරන ලදී.
විල්පත්තු රක්ෂිතය වනාන්තරය කපා එහි අනවසර ඉදිකිරිම් හේතුවෙන් විශාල පාරිසරික හානියක් සිදුව ඇති බව පෙත්සම්කරුවන් අධිකරණය හමුවේ පෙන්වා දී තිබේ.
එය මුළුමුණින්ම නීතියට පටහැනි ක්‍රියාවක් වන අතර දැනට සිදු කර තිබෙන අනවසර ඉදිකිරිම් ඉවත් කර එම ඉඩම් රජයට යලි පවරා ගැනිමේ නියෝගයක් නිකුත් කරන ලෙස පෙත්සම්කරුවන් අධිකරණයෙන් ඉල්ලා ඇත.
COMMENTS