කටුනායක ගුවන් තොටුපොළේ දී රත්තරන් තොගයක් අත්අඩංගුවට

48 හැවිරිදි ඕස්ට්‍රේලියානු ජාතික පිරිමි පුද්ගලයකු විසින් නීති විරෝධී ලෙස මලයාසියාව වෙත රැගෙන යෑමට තැත් කළ කහ රත්තරන් තොගයක් ඊයේ (19) රාත්‍...

48 හැවිරිදි ඕස්ට්‍රේලියානු ජාතික පිරිමි පුද්ගලයකු විසින් නීති විරෝධී ලෙස මලයාසියාව වෙත රැගෙන යෑමට තැත් කළ කහ රත්තරන් තොගයක් ඊයේ (19) රාත්‍රීයේ කටුනායක ගුවන් තොටුපොළේ දී රේගු නිලධාරීන් විසින් අත්අඩංගුවට ගෙන ඇති බව රේගු මාධ්‍ය ප්‍රකාශක සුනිල් ජයරත්න මහතා පැවසීය.

මෙම ඕස්ට්‍රේලියානු ජාතිකයා ඊයේ (19) රාත්‍රී 11.50 ට පමණ මලයාසියාව බලා පිටත්ව යන මලයාසියානු ගුවන් සේවයේ එම්.එච්.- 178 දරන ගුවන් යානයට කටුනායක ගුවන් තොටුපොළ වෙත පැමිණ සිටියදී ගුවන් තොටුපොළ ආරක්ෂක නිලධාරීන් විසින් ඔහුගේ අත් බෑගයේ සගවා ගෙන තිබූ කහ රත්තරන් කැබලි 03 ක් ද සමග මෙම පුද්ගලයා රේගු නිලධාරීන් වෙත භාර දී තිබුණි .

මෙම රත්තරන් කැබලි වල මුළු බර ග්රෑම් 199.97 ක් වූ අතර ඒවායේ වටිනාකම රුපියල් 10, 99, 835 ක් බව රේගු මාධ්‍ය ප්‍රකාශකවරයා වැඩිදුරටත් පැවසීය .

මේ පිළිබඳව විමර්ශන කටයුතු සහකාර රේගු අධිකාරීවරුන් වන ඩබ්ලිව් .එම්.සී.එච්.විජේගුණරත්න, ආර්.එස්.මදුරප්පෙරුම , ඩී.ඩී.ජී.රංග කුමාර , එන්.එන්.තිලංක සහ එච් .ඩබ්ලිව් .එස්.සිල්වා යන මහත්වරුන් විසින් සිදු කර තිබුණි .

නියෝජ්‍ය රේගු අධ්‍යක්ෂ ජී.වී.යූ.ඩී.සිල්වා මහතා මේ පිළිබඳව වැඩිදුරටත් රේගු පරීක්ෂණය අරභා තිබේ .

(කටුනායක ටී.කේ.ජී.කපිල)