රනිල්, මහින්ද, සම්බන්දන් කියන්නේ බාධාකරුවන් - ඩිලාන් පෙරේරා

මෙම සංවාදයට එක් වෙමින් පසුගිය දිනෙක මහ නා හිමිවරු ප්‍රකාශ කළේ මේ මොහොතේ රටට නව ආණ්ඩුක්‍රම ව්‍යවස්ථාවක් අවශ්‍ය නොවන බවයි. කෙසේ වෙතත් ඉදිර...

මෙම සංවාදයට එක් වෙමින් පසුගිය දිනෙක මහ නා හිමිවරු ප්‍රකාශ කළේ මේ මොහොතේ රටට නව ආණ්ඩුක්‍රම ව්‍යවස්ථාවක් අවශ්‍ය නොවන බවයි.

කෙසේ වෙතත් ඉදිරි කාලය තුළ මෙම ව්‍යවස්ථාවේ ප්‍රශ්නයද විසඳාගත යුතුව තිබේ. විසි වන සංශෝධනය ලෙස මැතිවරණ ක්‍රමයේ වෙනස් වීම සිදුවීමට නියමිතව ඇති අතර එපරිද්දෙන්ම බලය බෙදීම පිළිබඳවද දැන් සාධනීය ලෙස සිතීමට කාලය එළඹ තිබේ. රටේ අනාගතයත් ජනතා කැමැත්තත් මත පදනම්ව නුදුරේදී එම වෙනස් වීම් සිදුවනු ඇත. එතෙක් මේ සංවාදය සක්‍රීය ලෙස පැවතිය යුතු යැයි අපි විශ්වාස කරමු.

ඒ අනුව ජාතික ප්‍රශ්නය විසදීමේදී උපරිම බලය බෙදීමකට යා යුතු අතර ජාති ආගම් භේදයකින් තොරව සියලු ජනතාවගේ අයිතිවාසිකම් ආරක්ෂා විය යුතු බවට වන නොවෙනස් ස්ථාවරයක හිදින්නෙකි ශ්‍රී ලංකා නිදහස් පක්ෂයේ මාධ්‍ය ප්‍රකාශක රාජ්‍ය අමාත්‍ය ඩිලාන් පෙරේරා මහතා. එහෙයින් අළුත් ව්‍යවස්ථාවක්ද නැත්නම් සංශෝධනයක්ද යන පැනය අපි ඔහුට ඉදිරිපත් කළෙමු. මේ, රාජ්‍ය අමාත්‍යවරයාගේ පැහැදිලි කිරීමයි.

19 වන ආණ්ඩුක්‍රම ව්‍යවස්ථා සංශෝධනය මඟින් විධායක ජනාධිපතිධුරයේ අත්තනෝමතික බලතල ඉවත් වූ අතර තවදුරටත් පවතින්නේ අත්තනෝමතික බලතල නොමැති විධාටක ජනාධිපතිධුරයක් බව රාජ්‍ය අමාත්‍යවරයා පවසයි. ඒ අනුව දැනට පවතින සීමිත බලතල රටට හානිදායක නොවන බවයි හෙතෙම පෙන්වා දෙන්නේ.

විධායක ජනාධිපතිවරයෙක් වෙනුවට විධායක අගමැතිවරයෙක් රටට අවශ්‍ය නොවන බව ඩිලාන් පෙරේරා මහතා සඳහන් කරයි.

[youtube height="300" width="560" align="left|right|none"]http://www.youtube.com/watch?v=7oE9VWE7BlE[/youtube]

නව ආණ්ඩුක්‍රම ව්‍යවස්ථාවක් අවශ්‍ය බවට ගොඩනැගී ඇති සංවාදයට ප්‍රතිචාර දවමින් මේ මොහොතේ නව ව්‍යවස්ථාවක් අවශ්‍ය නොවන බව පසුගියදා මහ නා හිමිවරු පැවසුහ. එහෙත් ඊට ප්‍රතිචාර දක්වමින් අමාත්‍ය රාජිත සේනාරත්න මහතා පැවසුවේ හැට දෙලක්ෂයක ජනතාවගේ කැමැත්ත මත එය තීන්දු වනු ඇති බවයි. මෙයට පිළිතුරු දෙමින් රාජ්‍ය අමාත්‍ය ඩිලාන් පෙරේරා මහතා ප්‍රකාශ කරන්නේ හැට දෙලක්ෂයක ජනතාවගේ කැමැත්තට පමණක් තීන්දු තීරණ ගන්නේ නම් 19 වැනි ආණ්ඩුක්‍රම ව්‍යවස්ථා සංශෝධනය සම්මත කර ගැනීම තම පිරිස එකඟතාව ලබා දීම වැරදි විය හැකි බවයි.

[youtube height="300" width="560" align="left|right|none"]http://www.youtube.com/watch?v=YMNHi9BkKkE[/youtube]

පසුගිය මැතිවරණ මාලාව දෙස බැලූ විට පෙනෙන්නට ඇති දෙයකි, විධායක ජනාධිපතිධුරය අහෝසි කරන බවට වූ පොරොන්දුව. එහෙත් දැන් එන ව්‍යවස්ථාවක්ද? සංශෝධනයක්ද? යන තැන සංවාද ගත වෙමින් ඇත. ඊට පිළිතුරු ඩිලාන් පෙරේරා මහතා සඳහන් කරන්නේ ජනාධිපතිවරයාගේ මැතිවරණ ප්‍රතිපත්ති ප්‍රකාශයේ සඳහන් වන්නේ ජනමතවිචාරණයකට තුඩු නොදෙන අන්දමේ සංශෝධනයන් ගෙන එන බවයි. කෙසේ වෙතත් විධායක ජනාධිපති ක්‍රමය අහෝසි කිරීමට හෝ සංශෝධනයක් සඳහා යන කාරණා දෙකෙන් එකකටවත් ජන මතයක් නොලැබුණ බවයි හෙතෙම පෙන්වා දෙයි.

[youtube height="300" width="560" align="left|right|none"]http://www.youtube.com/watch?v=Dh1tD6NcAaE[/youtube]

දැන් පෙනෙන්නට ඇති ආකාරයට රනිල් වික්‍රමසිංහ මහතාත්,මහින්ද රාජපක්ෂ මහතාත් ,සම්බන්දන් මහතාත් විධායක ජනාධිපතිධුරය අහෝසි කරන බවට ප්‍රකාශ කරන්නේ අවම වශයෙන් තුනෙන් දෙකෙන් සම්මත කර ගැනීමට හැකියාව ඇති කැරුණු හෝ ඉටුකර ගැනීමට අවශ්‍යතාවක් නොමැති බවදැයි යන සැකය මතුවන බව ඩිලාන් පෙරේරා මහතා පවසයි.

[youtube height="300" width="560" align="left|right|none"]http://www.youtube.com/watch?v=LVo0vMHkEuk[/youtube]

අඩුම තරමේ සංශෝධිත මැතිවරණ ක්‍රමය හෝ පාර්ලිමේන්තුවේ සම්මත නොවන්නේ අගමැතිවරයාගේත්, මහින්ද රාජපක්ෂ මහතාගේත්,සම්බන්දන් මහතාගේත් බාධාව නිසා යැයි හෙතෙම පෙන්වා දෙයි.

[youtube height="300" width="560" align="left|right|none"]http://www.youtube.com/watch?v=LJrE5fa62ko[/youtube]

ආශිකා බ්‍රාහ්මණ / නිශාන්ත ප්‍රියදර්ශන