මංගල හෙට ස්ලෝවේනියාවට

විදේශ අමාත්‍ය මංගල සමරවීර මහතා ස්ලෝවේනියාවේ නිල සංචාරයක නිරතවීමට සැලසුම් කර තිබේ. ඒ අනුව අමාත්‍යවරයා හෙට (04) දිනයේ ස්ලෝවේනියාව බලා පිට...

විදේශ අමාත්‍ය මංගල සමරවීර මහතා ස්ලෝවේනියාවේ නිල සංචාරයක නිරතවීමට සැලසුම් කර තිබේ.

ඒ අනුව අමාත්‍යවරයා හෙට (04) දිනයේ ස්ලෝවේනියාව බලා පිටත්ව යාමට නියමිත අතර දින 04ක කාලයක් ඔහු එරට රැදී සිටිමට නියමිතය.

2015 වසරේ ස්ලෝවේනියාවේ නව රජය බලයට පත්වීමෙන් අනතුරුව ශ්‍රී ලංකාවේ රාජ්‍යතාන්ත්‍රික නිලධාරියෙකු ස්ලෝවේනීයාවේ සංචාරය කරන පළමු අවස්ථාව මෙයයි.

ස්ලෝවේනියානු නියෝජ්‍ය අග්‍රාමාත්‍ය සහ විදේශ අමාත්‍යවරයාගේ නිල ආරාධනයකට අනුව විදේශ අමාත්‍යවරයා එරට සංචාරයේ යෙදෙන බව වාර්තා වේ.