අතුරුදන්වූ බව පවසා හපුතලේ, හල්දුම්මුල්ල ප්‍රදේශයේ රැඳී සිටියදී අත්අඩංගුවට ගැණුනු ව්‍යාපාරිකයා ලබන 13වන දින දක්වා රක්ෂිත බන්ධනාගාර ගත කර ති...
අතුරුදන්වූ බව පවසා හපුතලේ, හල්දුම්මුල්ල ප්‍රදේශයේ රැඳී සිටියදී අත්අඩංගුවට ගැණුනු ව්‍යාපාරිකයා ලබන 13වන දින දක්වා රක්ෂිත බන්ධනාගාර ගත කර තිබේ.
ඒ ඊයේ (07) අදාළ ව්‍යාපාරිකයා ත්‍රිකුණාමලය මහේස්ත්‍රාත් අධිකරණයට ඉදිරිපත් කළ අවස්ථාවේදීය.
ත්‍රිකුණාමලය ප්‍රදේශයේ රන් භාණ්ඩ වෙන්දේසියකට ගිය එම ව්‍යාපාරිකයා අතුරුදන්ව ඇති බවට ඔහුගේ පියා විසින් පොලීසියට පැමිණිලි කර තිබුණි.
ඒ අනුව ත්‍රිකුණාමලය පොලීසිය මේ සම්බන්ධයෙන් විමර්ශන සිදුකළ අතර ඔහුගේ දුරකථනය සහ සි.සි.ටි.වී. දර්ශන උපයෝගී කරගනිමින් එම ව්‍යාපාරිකයා නිරුපද්‍රිතව සිටින බව පොලීසිය තොරුතුරු අනාවරණය කරගෙන තිබේ.
ඒ අනුව හල්දුම්මුල්ල බස්නැවතුම්පළේ දී ඊයේ අලුයම 1.00ට පමණ එම ව්‍යාපාරිකයා පොලීසිය විසින් අත්අඩංගුවට ගත් අතර ඔහු ව්‍යාපාරිකයින් කිහිපදෙනෙකුට රුපියල් කෝටි දෙකහමාරක පමණ මුදලක් ණය වී ඇති බවට කරුණු අනාවරණය වී ඇත.
මේ හේතුවෙන් සැඟව සිටීම සඳහා අදාළ ව්‍යාපාරිකයා මෙලෙස පලායන්නට ඇති බවට පොලීසිය සැක පළකරයි.
COMMENTS