6 වසරේ සිට උසස්පෙළ ශ්‍රේණිවල ඉගෙනුම ලබන දැරියන් සඳහා අවශ්‍ය සනීපාරක්ෂක තුවා රජය විසින් නොමිලේ ලබා දීමට කටයුතු කරන බවට පුවතක් ඊයේ දිනයේ වාර...
6 වසරේ සිට උසස්පෙළ ශ්‍රේණිවල ඉගෙනුම ලබන දැරියන් සඳහා අවශ්‍ය සනීපාරක්ෂක තුවා රජය විසින් නොමිලේ ලබා දීමට කටයුතු කරන බවට පුවතක් ඊයේ දිනයේ වාර්තා වූ අතර පසුගිය ජනාධිපතිවරණ සමයේද සනීපාරක්ෂක තුවා මාතෘකාව මැතිවරණ වේදිකාවේ උණුසුම් මාතෘකාවක් වුයේ විපක්ෂ නායක සජිත් ප්‍රේමදාස මහතා සියලු කාන්තාවන්ට සනීපාරක්ෂක තුවා නොමිලේ ලබා දීමට සුදානම් බවට මැතිවරණ පොරොන්දුවක් ලබා දීමත් සමඟිනි.
බැලු බැල්මට පාසැල් සිසුවියන්ට අවශ්‍ය සනීපාරක්ෂක ද්‍රව්‍ය ලබා දීම ඉතාමත් හොඳය, එය රජය ජාතව වෙනුවෙන් ගත හොඳ තීන්දුවක් ලෙස පිටතින් බැලු විට සැමට පෙනෙන දෙයක් වුවත් මෙම සනීපාරක්ෂාව පසුපස ඇති දේශපාලන ඩීල් එකනම් මහා විශාලය. එදා සජිත් පෑඩ් නොමිලේ දෙන්න හැදුවේ ඔහුට මාධ්‍ය අනුග්‍රහය සපයන ප්‍රධාන රුපවාහිනි නාලිකාව අයත් ව්‍යාපාර සමුහයේ නිෂ්පාදනයක් රජයට විකුණා ගැනීමට ගැසූ ප්ලෑන් එකකට බව දන්නෝ දනිති. මේ අද සිදුවන්නේද එයට සමානම සිදුවීමකි.
රජයට සම්බන්ධ හෝ අදාළ විෂභාර අමාත්‍යවරයාට සමීප ගජ මිතුරකුට අයත් සමාගමක පෑඩ් තොගය පිටින් රජයට විකුණා කෝටි ගණන් ලාභ ලැබීම මෙහි මුලික අරමුණ වන අතර එහි කොමිස් පංගුව මෙයට සම්බන්ධ පිරිස අතර මිලියන ගණනින් බෙදී යනු ඇත. එසේ නොවන්නේනම් මෙම දීමනාවට රජය වියදම් කරන මුදල පාසැල් සිසුවියන් වෙත මුදල් ආධාර ලෙස ලබා දෙන්නට හැකියාව තිබෙන මුත් අප ඉහත කී කොමිස් ඩීල් නිසා මුදල් වෙනුවට යම් සමාගමකට අයත් නිෂ්පාදනයක්ම නොමිලේ කියමින් ඇඟේ ගසන්නට ඔවුන් පිඹුරුපත් සකසයි.
ජනතාවට නොමිලේ කියමින් දෙන බොහෝ දේවල් දෙන්නේ සැබෑවටම ජනතාවට නොමිලේ දීමට නොව ඒ හරහා කොමිස් කුට්ටි සාක්කුවේ දමාගැනීමට පොරකන රජයේ ඉහල නිලධාරීන්ගේ හා දියවන්නාවේ 225න් පිරිසකගේ අවශ්‍යතාවය සහ ඔවුන්ට ගානක් හම්බ කරගන්නට අවශ්‍ය නිසා බව මතක තබාගත යුතුය, ඔය නොමිලේ දෙන ඒවාට බදු ගෙවන්නේ රටේ ජනතාවම වන බැවින් ඔවුන්ට කිසිවක් නොමිලේ ලැබෙන්නේ නැත, නොමිලේ සියල්ල ලැබෙන්නේ දේශපාලකයින්ට හා රාජ්‍ය නිලධාරීන්ට බව සියලු දෙනා සිහියේ තබාගත යුතුය.
-thetruth
COMMENTS