එක්සත් ජාතික පක්ෂය සිය විපක්ෂ නායකවරයා වශයෙන් පත්කර ගෙන ඇත්තේ පක්ෂයේ සිටින දුර්වලතම පුද්ගලයෙකු යැයි ඉඩම් හා ඉඩම් සංවර්ධන රාජ්‍ය අමාත්‍ය එස්...
එක්සත් ජාතික පක්ෂය සිය විපක්ෂ නායකවරයා වශයෙන් පත්කර ගෙන ඇත්තේ පක්ෂයේ සිටින දුර්වලතම පුද්ගලයෙකු යැයි ඉඩම් හා ඉඩම් සංවර්ධන රාජ්‍ය අමාත්‍ය එස්. බී. දිසානායක මහතා පවසයි.
අමාත්‍යවරයා මේ බව සඳහන් කළේ මහනුවර දිස්ත්‍රික් ලේකම් කාර්යාලයේ පැවැති දහම් පාසල් ත්‍යාග ප්‍රධාන උත්සවයකින් අනතුරුව මාධ්‍ය හමුවේ අදහස් දක්වමින්නි.
ප්‍රබල විපක්ෂ නායකයෙකු පත්කර ගන්නවා නම් ඒ සඳහා එක්සත් ජාතික පක්ෂයට ඇති එකම සුදුස්සා වන්නේ විපක්ෂ නායකධුරයක් දරා ලෝකයේ වැඩිම අත්දැකීම් ඇති රනිල් වික්‍රමසිංහ මහතා පත්කර ගැනීම යැයි දිසානායක මහතා කියාසිටියේය.
මහනුවර කඩවත්සතර සහ ගඟවට කෝරළය උතුර ශාසනාරක්ෂක බලමණ්ඩලයේ සිසු නිපුණතා ඇගයීම් සහතික පත්‍ර ප්‍රදානෝත්සවය අමාත්‍ය එස්. බී. දිසානායක මහතාගේ ප්‍රධානත්වයෙන් මහනුවර දිස්ත්‍රික් ලේකම් කාර්යාලීය ශ්‍රවණාගාරයේදී පැවැත්විණ.
උත්සවයෙන් අනතුරුව මාධ්‍ය හමුවේ අදහස් දැක්වූ අමාත්‍යවරයා මෙසේ සඳහන් කළහ.
"නොයෙකුත් කොන්දේසි යොදා අවසානයේදී ස්වීස් තානාපති කාර්යාලයේ සේවිකාව ප්‍රකාශයක් ඉදිරිපත් කරන්න කටයුතු කළා. රටවල්වල ආත්ම ගරුත්වය සහ රටවල් අතර පවතින මිත්‍රත්වය නොකෙලෙසන පරිදි මෙහි පරීක්ෂණ කටයුතු සිදු විය යුතුයි.
සුදු වෑන් යොදා පැහැර ගැනීමක් පිළිබඳව පසුගිය සමයේදී අමාත්‍ය රාජිත සේනාරත්න මහතා විසින් කරන ලද මාධ්‍ය සාකච්ඡාව එවකට අප එතරම් බරපතළ විදිහට සැලකීමට ලක් කළේ නැහැ. එහි ඉතාමත්ම බරපතල චෝදනාවක් රජයට සහ වත්මන් ජනාධිපති ගෝඨාභය රාජපක්ෂ මහතාට එල්ල වන අයුරින් මාධ්‍ය සාකච්ඡාව පැවැත්වුණා.
මේ සම්බන්ධයෙන් දෙදෙනෙකු අත්අඩංගුවට පත්වීම තුළින් සැඟවුණු බොහෝ කාරණා හෙළි කරගත හැකියි. රාජිත සේනාරත්න මහතා විසින් සංවිධාන කළ එම මාධ්‍ය හමුවට ඉදිරිපත් කරන ලද පුද්ගලයන් දෙදෙනා බොරු රැවුල් දමා මුහුණු ආවරණය කර ගනිමින් ඉදිරිපත් වීම විශාල වංචාවක් බව පැහැදිලි වන බව රාජ්‍ය අමාත්‍ය එස්.බී. දිසානායක මහතා වැඩිදුරටත් සඳහන් කළහ.
උඩරට අමරපුර මහ නිකායේ අනුනායක පූජ්‍ය නියංගොඩ සමිද්ධි මංගල හිමි, ගඟවට කෝරළය උතුර ශාසනාරක්ෂක බල මණ්ඩලයේ ලේඛකාධිකාරී පූජ්‍ය වරකාපිටියේ සරණ හිමි ඇතුලු මහ සංඝරත්නය ද මහනුවර ප්‍රාදේශය ලේකම්, දහම් පාසල් ආචාර්ය මණ්ඩලය හා දරු දැරියන් පිරිසක් මේ අවස්ථාවට එක්වූහ.
නදීක දයා බණ්ඩාර - මහනුවර
අමාත්‍යවරයා මේ බව සඳහන් කළේ මහනුවර දිස්ත්‍රික් ලේකම් කාර්යාලයේ පැවැති දහම් පාසල් ත්‍යාග ප්‍රධාන උත්සවයකින් අනතුරුව මාධ්‍ය හමුවේ අදහස් දක්වමින්නි.
ප්‍රබල විපක්ෂ නායකයෙකු පත්කර ගන්නවා නම් ඒ සඳහා එක්සත් ජාතික පක්ෂයට ඇති එකම සුදුස්සා වන්නේ විපක්ෂ නායකධුරයක් දරා ලෝකයේ වැඩිම අත්දැකීම් ඇති රනිල් වික්‍රමසිංහ මහතා පත්කර ගැනීම යැයි දිසානායක මහතා කියාසිටියේය.
මහනුවර කඩවත්සතර සහ ගඟවට කෝරළය උතුර ශාසනාරක්ෂක බලමණ්ඩලයේ සිසු නිපුණතා ඇගයීම් සහතික පත්‍ර ප්‍රදානෝත්සවය අමාත්‍ය එස්. බී. දිසානායක මහතාගේ ප්‍රධානත්වයෙන් මහනුවර දිස්ත්‍රික් ලේකම් කාර්යාලීය ශ්‍රවණාගාරයේදී පැවැත්විණ.
උත්සවයෙන් අනතුරුව මාධ්‍ය හමුවේ අදහස් දැක්වූ අමාත්‍යවරයා මෙසේ සඳහන් කළහ.
"නොයෙකුත් කොන්දේසි යොදා අවසානයේදී ස්වීස් තානාපති කාර්යාලයේ සේවිකාව ප්‍රකාශයක් ඉදිරිපත් කරන්න කටයුතු කළා. රටවල්වල ආත්ම ගරුත්වය සහ රටවල් අතර පවතින මිත්‍රත්වය නොකෙලෙසන පරිදි මෙහි පරීක්ෂණ කටයුතු සිදු විය යුතුයි.
සුදු වෑන් යොදා පැහැර ගැනීමක් පිළිබඳව පසුගිය සමයේදී අමාත්‍ය රාජිත සේනාරත්න මහතා විසින් කරන ලද මාධ්‍ය සාකච්ඡාව එවකට අප එතරම් බරපතළ විදිහට සැලකීමට ලක් කළේ නැහැ. එහි ඉතාමත්ම බරපතල චෝදනාවක් රජයට සහ වත්මන් ජනාධිපති ගෝඨාභය රාජපක්ෂ මහතාට එල්ල වන අයුරින් මාධ්‍ය සාකච්ඡාව පැවැත්වුණා.
මේ සම්බන්ධයෙන් දෙදෙනෙකු අත්අඩංගුවට පත්වීම තුළින් සැඟවුණු බොහෝ කාරණා හෙළි කරගත හැකියි. රාජිත සේනාරත්න මහතා විසින් සංවිධාන කළ එම මාධ්‍ය හමුවට ඉදිරිපත් කරන ලද පුද්ගලයන් දෙදෙනා බොරු රැවුල් දමා මුහුණු ආවරණය කර ගනිමින් ඉදිරිපත් වීම විශාල වංචාවක් බව පැහැදිලි වන බව රාජ්‍ය අමාත්‍ය එස්.බී. දිසානායක මහතා වැඩිදුරටත් සඳහන් කළහ.
උඩරට අමරපුර මහ නිකායේ අනුනායක පූජ්‍ය නියංගොඩ සමිද්ධි මංගල හිමි, ගඟවට කෝරළය උතුර ශාසනාරක්ෂක බල මණ්ඩලයේ ලේඛකාධිකාරී පූජ්‍ය වරකාපිටියේ සරණ හිමි ඇතුලු මහ සංඝරත්නය ද මහනුවර ප්‍රාදේශය ලේකම්, දහම් පාසල් ආචාර්ය මණ්ඩලය හා දරු දැරියන් පිරිසක් මේ අවස්ථාවට එක්වූහ.
නදීක දයා බණ්ඩාර - මහනුවර
COMMENTS