“ත්‍රිපිටකාභිවන්දනා” සතියේ තෙවන දිනය වන ඊයේ (18) දිවයින පුරා පාසල් සහ පිරිවෙන් කේන්ද්‍රකර ගනිමින් විවිධ වැඩසටහන් සංවිධානය කර තිබිණි. එහි ...
“ත්‍රිපිටකාභිවන්දනා” සතියේ තෙවන දිනය වන ඊයේ (18) දිවයින පුරා පාසල් සහ පිරිවෙන් කේන්ද්‍රකර ගනිමින් විවිධ වැඩසටහන් සංවිධානය කර තිබිණි.
එහි කොළඹ දිස්ත්‍රික් ප්‍රධාන වැඩසටහන කොළඹ 10, ගෝතමි බාලිකා විද්‍යාලයේ දී පැවැත්වුණේ අධ්‍යාපන අමාත්‍යාංශයේ බෞද්ධ හා සාරධර්ම අංශයේ අධ්‍යක්ෂ නිමල් ධර්මසිරි සහ මහාචාර්ය චන්දිම විජේබණ්ඩාර යන මහත්වරුන්ගේ ප්‍රධානත්වයෙනි.
මෙහිදී ,ත්‍රිපිටකාභිවන්දනා, ප්‍රතිඥාව සිසු දැරියන් විසින් ඉදිරිපත් කරනු ලැබීය.
ශ්රී ලාංකික භික්ෂු පරම්පරාවේ උත්කෘෂ්ට දායකත්වයෙන්, රැකගෙන ආ නිර්මල බුද්ධ වචනය අන්තර්ගත වූ ථෙරවාද ත්‍රිපිටකය සහ එම උතුම් ධර්ම දායාදය ලෝක උරුමයක් බවට පත් කිරීමේ වැදගත්කම පිළිබඳව පාසල් දරුවන් දැනුවත් කෙරිණි.
“ත්‍රිපිටකාභිවන්දනා” සතියේ තෙවන දිනය වන ඊයේ දිවයින පුරා පාසල් සහ පිරිවෙන් කේන්ද්‍රකර ගනිමින් විවිධ වැඩසටහන් සතිය නිමිත්තෙන් පැවති ගද්‍ය, පද්‍ය සහ රචනා තරඟවල ජයග්‍රාහක සිසුන්ට ත්‍යාග සහ සහතිකපත් පිළිගැන්වීම ද මෙහිදී සිදු විය.
විදුහල්පතිනිය, ආචාර්ය මණ්ඩල, දෙමාපියන් ඇතුළු පිරිසක් මෙම අවස්ථාවට එක්ව සිටියහ.
මේ අතර ,ත්‍රිපිටකාභිවන්දනා, සතියේ පාසල් සහ පිරිවෙන් දිනය වෙනුවෙන් කුරණෑගල මලියදේව බාලිකා විද්‍යාලයේදී ද විශේෂ වැඩසටහනක් සංවිධානය කර තිබුණි.
එහිදී ද සිසු දැරියන් ,ත්‍රිපිටකාභිවන්දනා, ප්‍රතිඥාව ලබා දෙනු ලැබීය.
බෞද්ධ සංකල්පය ඔස්සේ නිර්මාණය කරන ලද විශේෂ නාට්‍ය සහ ගීතවලින් ද මෙම අවස්ථාව වර්ණවත් විය.
COMMENTS