අමෙරිකානු හමුදාවේ ගුවන් යානා කටුනායකට ගොඩබස්වයි

අමෙරිකානු නාවික හමුදාවට අයත් ගුවන් යානා කිහිපයක් කටුනායක අන්තර්ජාතික ගුවන්තොටුපලට පසුගිය 21 වනදා සිට ගොඩබස්වා අනතුරුව ගුවන්තොටුපලෙන් පිටත්...

අමෙරිකානු නාවික හමුදාවට අයත් ගුවන් යානා කිහිපයක් කටුනායක අන්තර්ජාතික ගුවන්තොටුපලට පසුගිය 21 වනදා සිට ගොඩබස්වා අනතුරුව ගුවන්තොටුපලෙන් පිටත්වි තිබේ.

කොළඹ අමෙරිකානු තානාපති කාර්යාලය සදහන් කලේ තාවකාලික ගුවන් භාණ්ඩ හුවමාරු වැඩසටහන යටතේ මෙම ගුවන් යානා කටුනායකට ගොඩබැස්වූ බවය.

එළබෙන 29 වන දින දක්වා මෙම වැඩසටහන ක්‍රියාත්මක අතර තානාපති කාර්යාලය පවසන්නේ භාණ්ඩ හුවමාරු කර ගන්නා ගුවන් යානා පසුව මුහුදේ නවතා ඇති නෞකාවකට ගොඩබස්වන බවය.

මෙම ක්‍රියාවලියට නැව් භාණ්ඩ, යුධ උපකරණ ඇතුලත් නොවන බවත් මෙම මෙහෙයුමට සහභාගී වන කිසිවෙකු මෙහෙයුමෙන් පසුව ශ්‍රී ලංකාව තුළ රැදී නොසිටින බව ද අමෙරිකානු තානාපති කාර්යාලය පැවසීය.

මීට පෙර පසුගිය වසරේ අගෝස්තු මාසයේදී සහ දෙසැම්බර් මාසයේදී කටුනායක සහ ත්‍රිකුණාමලය ගුවන් තොටුපලවල් යොදා ගනිමින් මෙම වැඩසටහන ක්‍රියාත්මක කල බව තානාපති කාර්යාලය නිකුත් කල මාධ්‍ය නිවේදනයේ සදහන්ය.

{gallery}test:::0:0{/gallery}