උතුරු පළාත් සභාව විසුරුවා හැරීමෙන් පසුව තමන් දේශපාලනයෙන් ඉවත් වීමට තීරණය කරන බව උතුරු පළාත් සභාවේ විපක්ෂ නායක සින්නතුරෙයි මහතා පැවසීය. උත...
උතුරු පළාත් සභාව විසුරුවා හැරීමෙන් පසුව තමන් දේශපාලනයෙන් ඉවත් වීමට තීරණය කරන බව උතුරු පළාත් සභාවේ විපක්ෂ නායක සින්නතුරෙයි මහතා පැවසීය.
උතුරු පළාත් සභාවේ විපක්ෂ නායකවරයා මේ බව කියා සිටියේ යාපනයේදී මාධ්‍යවේදීන් විසින් ඔහුගෙන් මේ පිළිබදව විමසූ අවස්ථාවේදීය.
ගත වූ කාලයේදී තමන්ට දේශපාලනය එපා වූයේ ජනතාවට බොරු කියමින් බොරු පොරොන්දු දෙමින් රැවටීමට සිදුවන නිසා බවද උතුරු පළාත් සභාවේ විපක්ෂ නායකවරයා කියා සිටියේය.
තමන් තවමත් ඊ.පී.ඩී.පී.සංවිධානය නියෝජනය කරන අයෙකු නිසා ඒ සංවිධානයේ සියළුම දෙනා තමන්ට ක්‍රියාකාරී කටයුතු සදහා යළි පක්ෂය සමග එකතුවන මෙන් ඉල්ලා සිටියත් දේශපාලනයට යළි පිවිසීමට කැමැත්තක් නොමැති බවද සින්නතුරෙයි තවරාසා මහත කියා සිටියේය.
උතුරු පළාත් සභාව විසුරුවා හැරීමත් සමගම තමන් ස්ථිර තීරණයකට එළඹෙන බවත් අනතුරුව මහජනයාට සේවය කළ හැකි දේශපාලන නොවන වැඩ පිළිවෙළක් කරා යොමු වීමට අපේක්ෂාවෙන් සිටින බවද ඔහු පැවසීය.
දේශපාලනය තුළ සිටින සියළුමදෙනා හොරුන් බොරුකාරයන් හා වංචාකාරයන් නිසා උතුරු පළාත් සභාව විසුරුවා හැරීමත් සමගම තමන් සුදුසු තීරණයක් ගන්නා බව උතුරු පළාත් සභාවේ විපක්ෂ නායකවරයා වැඩිදුරටත් කියා සිටියේය.
(දිනසේන රතුගමගේ)
COMMENTS