පිළිකා ඖෂධ දහයක් ඇතුළු තවත් ඖෂධ සහ උපකරණ විසිපහක මිල අඩුකිරීමේ ගැසට් පත්‍රය ඉදිරි දෙසතිය තුළ ප්‍රකාශයට පත්කරන බව සෞඛ්‍ය, පෝෂණ හා දේශීය ව...
පිළිකා ඖෂධ දහයක් ඇතුළු තවත් ඖෂධ සහ උපකරණ විසිපහක මිල අඩුකිරීමේ ගැසට් පත්‍රය ඉදිරි දෙසතිය තුළ ප්‍රකාශයට පත්කරන බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.
අමාත්‍යවරයා මේ බව පැවැසුවේ පසුගියදා සෞඛ්‍ය අමාත්‍යාංශයේදී පැවැති බෝ නොවන රෝග පිළිබඳ විද්වත් මණ්ඩලය අමතමිනි.
පිළිකා ඖෂධවලින් 95ක් මිලදී ගනු ලබන්නේ රජය වුවද ඉන් 5ක ප්‍රමාණයක් පෞද්ගලික අංශය මගින් අලෙවි කරනු ලැබේ. පිළිකා ඖෂධ වර්ගවල පවතින අධික මිල හේතුවෙන් රෝගීන්ට එම ඖෂධ මිලදී ගැනීමේ හැකියාවක් නොමැති බැවින් මෙම මිල අඩුකිරීමේ තීරණය ගත් බව සෞඛ්‍ය අමාත්‍යාංශය සඳහන් කළේය.
ඖෂධ ආනයනය කිරීමට වසරකට රජය රුපියල් බිලියන 7කට අධික මුදලක් වැය කරන අතර පිළිකා ඖෂධ මිල අඩුකිරීම නිසා රජයට රුපියල් බිලියන 2ක් ඉතිරි වන බව සෞඛ්‍ය අමාත්‍ය රාජිත සේනාරත්න මහතා පවසයි. ටැබ්සුබාබ් නමැති පිළිකා
ඖෂධය මීට පෙර අලෙවි වූයේ රුපියල් දෙලක්ෂ අසූදාහකට වුවද අද වන විට එය රුපියල් එක්ලක්ෂ හතළිස් හතරදහස දක්වා අඩු ව ඇතැයි හෙතෙම කියා සිටියේය. නිදහස් සෞඛ්‍ය සේවාවයැයි පවසමින් ඖෂධ සමාගම්වලට මුදල් ගෙවීම වෙනුවෙන් යහපාලන රජය ඖෂධ මිල අඩු කළ බව අමාත්‍යවරයා කීය. පිළිකා රෝගීන් සඳහා පැවැති රුපියල් ලක්ෂ 15 ප්‍රතිකාර සීමාව ඉවත් කර ඇති අතර රෝගියකු රුපියල් ලක්ෂ 450 දක්වා මේ වන විට ප්‍රතිකාර ලබාගෙන ඇති බව ඒ මහතා සඳහන් කළේය.
COMMENTS