ප්‍රවීන චිත්‍රපට අධ්‍යක්ෂවරයෙකු මෙන්ම රංගන ශිල්පියෙකු වූ රෝයි ද සිල්වා මහතා ඊයේ (30) රාත්‍රී අභාවප්‍රාප්ත වී තිබේ. ඔහු ජයවර්ධනපුර රෝහලට ...
ප්‍රවීන චිත්‍රපට අධ්‍යක්ෂවරයෙකු මෙන්ම රංගන ශිල්පියෙකු වූ රෝයි ද සිල්වා මහතා ඊයේ (30) රාත්‍රී අභාවප්‍රාප්ත වී තිබේ.
ඔහු ජයවර්ධනපුර රෝහලට ඇතුළත් කිරීමේ දී අභාවප්‍රාප්ත වි ඇති බව රෝහල් ආරංචි මාර්ග පැවසී ය.
මොරටුව ශාන්ත සෙබස්තියන් විද්‍යාලයෙන් සහ කොළඹ ශාන්ත ජෝසප් විද්‍යාලයෙන් ඉගෙනුම ලබා ඇති ඔහු වේදිකා නාට්‍ය රංගනයෙන් සිය කලාදිවිය ආරම්භ කර තිබේ.
“සුජාගේ රහස” චිත්‍රපටයෙන් රංගනයට පිවිසි රෝයි ද සිල්වා මහතා 1977 වසරේදී හාස්‍ය උත්පාදක චිත්‍රපට අධ්‍යක්ෂණයෙන් අධ්‍යක්ෂකවරයෙකු ලෙස කටයුතු කිරීම ආරම්භ කර තිබිණි.
ඔහු රංගනයෙන් දායක වූ අවසන් චිත්‍රපටය වුයේ 2015 වසරේ දී තිරගත වූ “මයි නේමිස් බන්දු” චිත්‍රපටය යි. 2011 දී තිරගත වූ “ඉට්ස් මැටර් ඔෆ් ලව්” චිත්‍රටය ඔහු විසින් අධ්‍යක්ෂණය කළ අවසන් චිත්‍රපටය යි.
අවස්ථා කිහිපයකදී ඔහු ගායකයෙකු ලෙස ද කටයුතු කර තිබේ.
දශක පහකට අධික කාලයක් මෙරට සිනමා ක්ෂේත්‍රයේ උන්නතිය වෙනුවෙන් කටයුතු කළ රෝයි ද සිල්වා මහතා මියයන විට 80 වැනි වියේ පසු විය.
COMMENTS