එජාප සභාපති මලික්ට එරෙහිව සිරිකොත ඉදිරිපිට විරෝධතාවක්

පොල්ගහවෙල ආසනයේ එක්සත් ජාතික පක්ෂ සාමාජිකයන් පිරිසක් එජාප සභාපති මලික් සමරවික්‍රම මහතාට එරෙහිව සිරිකොත පක්ෂ මුලස්ථානය ඉදිරිපිට අද උද්ඝෝෂ...

පොල්ගහවෙල ආසනයේ එක්සත් ජාතික පක්ෂ සාමාජිකයන් පිරිසක් එජාප සභාපති මලික් සමරවික්‍රම මහතාට එරෙහිව සිරිකොත පක්ෂ මුලස්ථානය ඉදිරිපිට අද උද්ඝෝෂණය නිරත විය.

ඒ ආසන සංවිධායකවරයා නිර්දේශ කළ නම් පළාත් පාලන ආයතන සභික ලැයිස්තුවලට ඇතුලක් කර නොමැති බව පවසමිනි.

එහිදී අදහස් පළ කළ පොල්ගහවෙල ආසනයේ එක්සත් ජාතික පක්ෂ යොවුන් පෙරමුණේ සභාපති රුවන් පුෂ්පකුමාර මහතා කියා සිටියේ පොල්ගහවෙල එක්සත් ජාතික පක්ෂ ආසන සංවිධායකවරයා විසින් තමන්ව සභික ලයිස්තුවේ දෙවැනියා ලෙස නම් කර යවා තිබියදීත් කිසිවක් නොදන්වා තමන්ගේ නම පක්ෂයේ සභාපතිවරයා විසින් ඉවත් කර ඇති බවයි.

පක්ෂය වෙනුවෙන් කටයුතු කරන තමන්ගේ නම සභික ලැයිස්තුවට ඇතුළත් කරන ලෙස ඉල්ලා මෙම උද්ඝෝෂණයේ නිරත වන බව ඔහු පවසයි.