වව්නියාව දකුණ දෙමළ ප්‍රදේශීය සභාවට පොහොට්ටුව ලකුණින් තරඟ කරන අපේක්ෂකයෙකු හා තවත් අයෙකු වව්නියාව නෙළුක්කුලම් පොලීසිය විසින් අත්අඩංගුවට ගෙන ...
වව්නියාව දකුණ දෙමළ ප්‍රදේශීය සභාවට පොහොට්ටුව ලකුණින් තරඟ කරන අපේක්ෂකයෙකු හා තවත් අයෙකු වව්නියාව නෙළුක්කුලම් පොලීසිය විසින් අත්අඩංගුවට ගෙන තිබේ.
මේ දෙදෙනාම අත්අඩංගුවට ගෙන ඇත්තේ දේශපාලන ගැටුමක් සම්බන්ධයෙන් නොව රිය අනතුරකදී ඇති වූ බහින් බස්වීමක් මත දෙදෙනාම ඔවුනොවුන්ට පහර දී ගැනීමේ සිද්ධියක් මත බව නෙළුක්කුලම් පොලීසිය පවසයි.
පොහොට්ටුව ලකුණින් තරඟ කරන ජී.මයුරන් නැමති අය නෙළුක්කුලම් ප්‍රදේශයේ සිදු වූ රිය අනතුරකදී අනතුරකට ලක්වූ පිරිස සමඟ ඇති කරගත් බහින් බස් වීමකදී වාසන් නැමති අයෙකු ඔහුට පහර දී තිබේ.
මයුරන්ද වාසන් නැමැත්තාට පහර දී ඇති අතර දෙදෙනා විසින්ම පොලීසියට කරන ලද පැමිණිලි දෙකක් අනුව නෙළුක්කුලම් පොලිස් ස්ථානාධිපතිවරයා ඔවුන් දෙදෙනාම අත්අඩංගුවට ගෙන වව්නියාව පොලීසිය වෙත බාර දී තිබේ. වව්නියාව පොලීසිය සිද්ධිය පිළිබදව පරීක්ෂණ පවත්වා ගෙන යයි.
(දිනසේන රතුගමගේ)
COMMENTS