ඉදිරි පළාත් පාලන මැතිවරණයේදී ශ්‍රී ලංකා නිදහස් පක්ෂය පරාජයට පත් කිරීමේ කොන්ත්‍රාත්තුව ඇත්තේ විමල් විරවංශ මන්ත්‍රීවරයා බව කඩුවෙල මහ නගර සභා...
ඉදිරි පළාත් පාලන මැතිවරණයේදී ශ්‍රී ලංකා නිදහස් පක්ෂය පරාජයට පත් කිරීමේ කොන්ත්‍රාත්තුව ඇත්තේ විමල් විරවංශ මන්ත්‍රීවරයා බව කඩුවෙල මහ නගර සභාවේ හිටපු නගරාධිපති ජී.එච්. බුද්ධදාස මහතා පවසයි.
ඒ මාලබේ ශ්‍රී ලංකා නිදහස් පක්ෂ කාර්යාලයේ පැවති මාධ්‍ය හමුවකට එක්වෙමිනි.
එහිදී ජී.එච්.බුද්ධදාස මහතා මෙසේ අදහස් දැක්වීය.
“මැතිවරණය දැන් ළඟටම ඇවිල්ලා තියෙන අවස්ථාවක් තමයි. අද විමල් වීරවංශ ඇතුළු කණ්ඩායමට ඕනේ වෙලා තියෙන්නේ මේ මැතිවරණය බෙදී වෙන් වෙලා ගිහිල්ලා තරඟ කරලා පොදු හතුරට බලය ලබා දෙන කොන්ත්‍රාත් තමයි විමල් විරවංශ උන්නැහේ මේ ගෙනියන්නේ. අද විමල් වීරවංශත් එතුමාගේ බිරියත් දෙන්න තමයි අද පක්ෂේ තියෙන්නේ. එහෙම නැතුව පක්ෂේ හිටපු නියෝජ්‍ය නායකයත් අද නැහැ. හිටපු ලේකම්තුමාත් නැහැ. ජාතික සංවිධායකත් නැහැ. ඉදිරි කාලය තුළ මම හිතන්නේ විමල් විරවංශ මහත්තයාගේ පාර්ලිමේන්තු මන්ත්‍රීවරු ඉන්න දෙන්නා තුන්දෙනත් ඔය පක්ෂ 2ට යයි කියලා මට විශ්වාසයක් තියෙනවා.”
“ සති දෙක තුන ඇතුළත මන් හිතන්නේ එක මන්ත්‍රීවරයෙක් මාතරින් යනවා මන් හිතන්නේ හක්මන ආසනයේ එකසත් ජාතික පක්ෂයේ සංවිධායක වෙනවා. ඉතින් අද විමල් විරවංශ උන්නැහේ නන්නත්තාර වෙලා තියෙන්නේ. අද විමල් විරවංශ උන්නැහේ කියන එක්කෙනා මහින්ද මහත්තයාගේ ඇගේ කූඩැල්ලෙක් වගේ එල්ලිලා තියෙන්නේ. මහින්ද මහත්තයා දන්නේ නැහැ කූඩැල්ලා ලේ බීලා බීලා මොකද වෙන්නේ කියලා. ඒක මහින්ද මහත්තයා තේරුම් ගත යුතුව තිබෙන අවස්ථාවක් තමයි මේ අවස්ථාව. මැතිවරණ ප්‍රථිපල වලින් පස්සේ තම තමුන්ගේ තත්ත්වේ කාටත් තේරෙයි. තේරෙනකොට ලෙඩා මැරිලා ඉවරයි. ඒක හොඳට මතක තියා ගන්න.”යැයිද වැඩිදුරටත් පැවසීය.
COMMENTS