කේ. සී. නඩරාජා නම් කෝටිපති ඉඩම්හිමියෙකු කොළඹ 07, 'හේවා ඇවනියු' පාරේ වාසය කළේය. ඔහු හිටපු රාජනීතීඥ කේ. සී. නඩේසන් මහතාගේ ඥාතියෙ...
කේ. සී. නඩරාජා නම් කෝටිපති ඉඩම්හිමියෙකු කොළඹ 07, 'හේවා ඇවනියු' පාරේ වාසය කළේය. ඔහු හිටපු රාජනීතීඥ කේ. සී. නඩේසන් මහතාගේ ඥාතියෙකි. අවිවාහකයෙකු වූ නඩරාජා මහතා මියගියේ සිය අධික සුරාලොල් බව නිසාමය. අප මෙය සටහන් කර තබනුයේ මේ කතාවේ තැනක දී එයද වැදගත් වන නිසාවෙනි. නඩරාජා මහතා මරණයට පෙර ලියූ අන්තිම කැමති පත්රයෙන් කොළඹ 07 නිවස ඇතුළු ඊට අයත් සියළු දේපළ කොළඹ වෛද්ය විද්යාලයට පවරා දුන්නේය. ඒ, 2008 - 2009 කාලයේ දීය.
එවකට උසස් අධ්යාපන අමාත්යවරයාව සිටියේ එස්. බී. දිසානායක ය. ඔහු උපරිමයෙන් උත්සාහ කළේ මේ කෝටිගණනක් වටිනා දේපළ තමන්ට අයත් කරගැනීමට ය. ඒ සඳහා ඔහු තමන්ගේ ගෝලයින් දෙදෙනෙකු එම නිවසේ පදිංචි කරවූයේ ඇමති තනතුරේ බලය යොදවාගෙන ය. එහෙත් අභාවප්රාප්ත නඩරාජා මහතාගේ ඥාතීන් මීට එරෙහිව අධිකරණය වෙත ගිය අතර අධිකරණය සාධාරණව නඩරාජා මහතාගේ අන්තිම කැමති පත්රය ප්රකාරව ඒ නිවස සහ සියළුම දේපළ වෛද්ය විද්යාලයට හිමිවිය යුතු හෙයින් නිවසේ පදිංචිව සිටි ඇමති එස්.බී. ගේ ගෝලයින් දෙදෙනා ඉන් ඉවත් කරන ලෙසත් නිවසට පොලිස් ආරක්ෂාව සපයන ලෙසත් කුරුඳුවත්ත පොලීසියට නියෝග කළේ ය.
කුරුඳුවත්ත පොලීසියේ පොලිස් ස්ථානාධිපති ලෙස එවකට සේවය කළේ කපිල ප්රේමදාස නමැති නිලධාරියෙකි. අද ඔහු සහකාර පොලිස් අධිකාරී වරයකු ලෙස උසස්වීම් ලබා ඇත. එදා ඇමති එස්.බී. ඔහුගේ බිරිය වන තමරා දිසානායක සහ කපිල ප්රේමදාස පොලිස් ස්ථානාධිපති වරයා සමඟ අදාල නිවස වෙත පැමිණ ඇත. අප පෙර කී නිවෙස් හිමියා වූ නඩරාජා මහතා විනෝදාංශයක් ලෙස කර තිබුණේ විස්ති වර්ග එකතු කිරීමය. ඔහුගේ නිවසේ ලොව හොඳම, වටිනාම විස්කි වර්ග වල එකතුවක් තිබී ඇත. ඒ විස්කි එකතුවේ වටිනාකම රුපියල් කෝටියක් පමණ වන්නට ඇතැයි කියවේ. එස්. බී. දිසානායක, තමරා දිසානායක සහ කපිල ප්රේමදාස යන හොර තුන්කට්ටුව මෙම වටිනා විස්කි එකතුව ද නිවසේ තිබූ ඉතා වටිනා පැරණි භාණ්ඩ එකතුව ද නඩරාජා මහතාට අයත්ව තිබූ ප්රාඩෝ රථයක් ද රැගෙන ගොස් තිබේ. ඒ මොහොතේ අධිකරණ නියෝගය අනුව නිවසේ ආරක්ෂාවට සිටි පොලිස් සැරයන් වරයකු මෙසේ රැගෙන ගිය සියළුම භාණ්ඩ වල ලැයිස්තුවක් ඔහුගේ සාක්කු සටහන් පොතේ ලියා තබා ද ඇත.
මේ එස්. බී. ඇමතිවරයාගේ සොරකම සම්බන්ධයෙන් නඩරාජා මහතාගේ ඥාතීන් අපරාධ පරීක්ෂණ දෙපාර්තමේන්තුවට පැමිණිලි කළ ද 2008 සිට මේ දක්වා ම විමර්ශනයක් සිදු කෙරී නැත. එස්. බී. දිසානායක අමාත්යවරයා අපරාධ පරීක්ෂණ දෙපාර්තමේන්තුවේ හිතවතුන් මාර්ගයෙන් මේවන තෙක්ම පරීක්ෂණ යට ගැසීමට සමත්ව සිටී. නියම මහත්මයකු විසින් තම අන්තිම කැමැත්තෙන් කොළඹ වෛද්ය විද්යාලයට පවරා දුන් දේපළක් සම්පූර්ණයෙන් අයත් කර ගැනීමට උපරියමෙන් වලිකා, නොහැකි වූ තැන ඉන් කෝටි ගණනක් වටිනා කොටසක් මහ දවල් කොල්ලකාගෙන ගිය එස්. බී. ඇමතිවරයා අදටත් යහතින්, නිදැල්ලේ, ජාතික ලැයිස්තුවෙන් පාර්ලිමේන්තුවට ද පැමිණ ඇමති ධුරයක් ද හොබවයි.
අප අපරාධ පරීක්ෂණ දෙපාර්තමේන්තුවෙන් විමසන්නේ මේ කොල්ලය පිළිබඳව පරීක්ෂණ කෝ ? කියා ය. එස්. බී. ගෙන් අසන්නට ඇත්තේ එදා සොරකම් කළ භාණ්ඩ කෝ ? කියාය. ජනාධිපතිවරයාගෙන් අසන්නට ඇත්තේ සොරකමුත් කර විමර්ශනත් ඇහිරූ එස්. බී. නම් ඇමති සොරාට ඉල්ලා අස්වන්නට කියන්නේ නැතිද කියාය.
COMMENTS