මුස්ලිම් පාසල් දෙවැනි පාසල් නිවාඩු වාරය හදිසියේම අවලංගු කිරීම සිංහල ගුරුවරුන්ට බලවත් අසාධාරණයක්

මුස්ලිම් පාසල්වල ඇරැඹීමට නියමිතව තිබූ දෙවැනි පාසල් නිවාඩු වාරය අධ්‍යාපන අමාත්‍යාංශය මඟින් හදිසියේම අවලංගු කිරීම නිසා ඒවාහි සේවය කරන සිංහල ග...

සාලාව ජනතාව කළු කොඩි ඔසවා විරෝධය දක්වයි (VIDEO)

පිල්ලෙයාන් නිසා නැගෙනහිර පළාත් සභාව උණුසුම් වෙයි (VIDEO)

විමල්ගේ නිවසේදී මියගිය තරුණයාගේ සිරුර භූමිදානය කරන්නැයි උසාවි නියෝගයක්

මුස්ලිම් පාසල්වල ඇරැඹීමට නියමිතව තිබූ දෙවැනි පාසල් නිවාඩු වාරය අධ්‍යාපන අමාත්‍යාංශය මඟින් හදිසියේම අවලංගු කිරීම නිසා ඒවාහි සේවය කරන සිංහල ගුරුවරුන්ට බලවත් අසාධාරණයක් සිදුව ඇතැයි අධ්‍යාපන අමාත්‍යවරයාට හා එහි ලේකම්වරයාට ලිඛිතව පැමිණිල්ලක් ඉදිරිපත් කර තිබේ.

මෙම පාසල්වල නිවාඩුව ආරම්භ වීමට තිබුණේ පසුගිය 18 වැනිදාය. නමුත් අධ්‍යාපන අමාත්‍යාංශය මඟින් 17 දින නිකුත් කරන ලද ගැසට් නිවේදනයකින් එය අවලංගු කොට සැප්තැම්බර් 01දා සිට එම නිවාඩුව ක්‍රියාත්මක කොට තිබේ.

ආගමික සංවිධානයකින් කර ඇති ඉල්ලීමකට අනුව මෙම නිවාඩුව වෙනස් කර ඇතැයි පවසන මෙම පාසල්වල සිංහල ගුරුවරුන් ඉල්ලා සිටින්නේ මෙම පාසල් නිවාඩුව ලබාදීමේ ක්‍රමවේදය වෙනස් නොකරනවා නම් මුස්ලිම් පාසල්වල සේවය කරන සියලුම ගුරුවරු සිංහල පාසල්වලට ස්ථාන මාරුවීම් සිදුකර දෙන ලෙසය.

සිංහල ගුරුවරුන්ගේ අස්සන් ලේඛනයක් සහිතව අමාත්‍යාංශය වෙත යවා ඇති ලිපියක ඔවුන්ට සිදුවන අසාධාරණ කිහිපයක්ම එහි සඳහන් කොට ඇත. ඒ අනුව මුස්ලිම් පාසල්වල සේවය කරන සිංහල ගුරුවරුන්ට තම දූ දරුවන් සමඟ නිවාඩු කාලය ගත කිරීමට අවස්ථාව අහිමි වීම, යෝජිත නිවාඩු කාලය තුළ සැලසුම් කළ සියලු කාර්යයන් මෙම හදිසි නිවේදනය නිසා අසාර්ථකවීම, මෙම ගුරුවරුන්ගේ දරුවන් අ.පො.ස. (උ.පෙ) විභාගයට සූදානම් වන කාලය තුළ දරුවන්ට අවශ්‍ය දිරි ගැන්වීම් සිදු කිරීමට අවස්ථාව නොලැබීම ඇතුළු කරුණු දක්වා තිබේ.