මත්පෙති සහ මත්ද්‍රව්‍ය රට තුළ ව්‍යාප්තවීම වැළැක්වීමට පොලීස්, ති‍්‍රවිධ හමුදා, බුද්ධි අංශ මෙහෙයුමක්

මත්පෙති සහ මත්ද්‍රව්‍ය රට තුළ ව්‍යාප්තවීම වැළැක්වීම සඳහා පොලීසියේ සහ ති‍්‍රවිධ හමුදාවේ බුද්ධි අංශවල මෙහෙයවීමෙන් විශේෂ වැඩපිළිවෙළක් කි‍්‍රයා...

පාර්ලිමේන්තු මන්ත්‍රි ප්‍රසන්න ඇතුළු පිරිස යළි රිමාන්ඩ්.

ග්‍රෑම් එකට, රුපියල ගානේ පැණි බීමවලට බදු.

හම්බන්තොට විරෝධතාවය ; ප්‍රසන්න ඇතුළු පිරිස යළි රිමාන්ඩ්

මත්පෙති සහ මත්ද්‍රව්‍ය රට තුළ ව්‍යාප්තවීම වැළැක්වීම සඳහා පොලීසියේ සහ ති‍්‍රවිධ හමුදාවේ බුද්ධි අංශවල මෙහෙයවීමෙන් විශේෂ වැඩපිළිවෙළක් කි‍්‍රයාවට නංවන ලෙස ජනාධිපතිවරයා ආරක්ෂක අංශ ප‍්‍රධානීන්ට උපදෙස් ලබාදි තිබේ.

ඊයේ (23) පස්වරුවේ ජනාධිපති කාර්යාලයේ පැවති විශේෂ රැස්වීමකදී ජනාධිපතිවරයා මෙම උපදෙස් දි තිබේ.

නීතිවිරෝධි මත්ද්‍රව්‍ය අලෙවි කිරීම සහ මෙරටට රැගෙන ඒම පිළිබඳව නීති කෙතරම් ශක්තිමත් කර තිබුණ ද, දිවයිනේ ඇතැම් ප‍්‍රදේශවල මත්කුඩු සහ මත්පෙති ව්‍යාප්තිය ඉහළ ගොස් තිබෙන බව වාර්තා වී ඇතැයි ද ජනාධිපතිවරයා මෙහිදී නිලධාරීන්ට පෙන්වා දි ඇති අතර අද බරපතළ සමාජ අභියෝගයක් බවට පත්ව ඇති මෙම ව්‍යසනයෙන් තරුණ පරපුර නිදහස් කර ගැනීම සඳහා සමාජයේ වගකිවයුතු සියලු පිරිස්වල කඩිනම් අවධානය යොමු විය යුතු බව ද ජනාධිපතිවරයා අවධාරණය කර තිබේ.

රට තුළට මත්ද්‍රව්‍ය ගෙන ඒම වැළැක්වීම සඳහා දැනට කි‍්‍රයාත්මක වැඩපිළිවෙළ වඩා තදින් කි‍්‍රයාත්මක කිරීමට ද මෙහිදී නිලධාරින්ට උපදෙස් දුන් ජනාධිපතිවරයා එම කටයුතුවලදී විදේශ රටවල සහයෝගය ලබාගනිමින් කටයුතු කිරීමට ද උපදෙස් දි තිබේ.

එසේම පාසල් දරුවන් ඉලක්ක කර ගනිමින් සිදු කෙරෙන මත්ද්‍රව්‍ය ජාවාරම මැඩලීමට ඉදිරියේදී වඩාත් පුළුල් වැඩපිළිවෙළක් ඔස්සේ කටයුතු කිරීමට ද ජනාධිපති මෛත්‍රීපාල සිරිසේන මහතා මෙහිදී අදාළ අංශ වෙත උපදෙස් දෙනු ලැබ තිබේ.