වන සංරක්ෂණ නිවාඩු නිකේතන වෙබ් අඩවියෙන් වෙන් කරන්න බැරි බාල ගිරි දෝශයක්

ජුලි 5, 2017 10:30 නලින් දිල්රුක්ෂ වන සංරක්ෂණ දෙපාර්තමේන්තුවේ වෙබ් අඩවිය හරහා නිවාඩු නිවහන් වෙන් කරගැනීමේ දී මහත් ගැටලු ක...

ජුලි 5, 2017 10:30

නලින් දිල්රුක්ෂ

වන සංරක්ෂණ දෙපාර්තමේන්තුවේ වෙබ් අඩවිය හරහා නිවාඩු නිවහන් වෙන් කරගැනීමේ දී මහත් ගැටලු කාරී තත්ත්වයක් උද්ගතව ඇතැයි ජනතාව පවසති.

ඔවුන්ගේ නිල වෙබ් අඩවිය වන http://ift.tt/2uI9Lqq වෙතට පිවිසෙන සංචාරක නිවහන් වෙන්කරගන්නන්ට ඔවුන් ඉදිරිපත් කර ඇත්තේ දුම්බර වන නිවහන පමණකි. එවන් නිවහන් ගණනාවක්ම දෙපාර්තමේන්තුව සතුය.

දුම්බර වන නිවහන වෙන්කරගන්නට වෙබ් අඩවියට පිවිසෙන්නවුන්ට පියවර ගණනාවක් පසු කර ගෙවිම කරන අවස්ථාවේදි එය කළ නොහැකි බව දැනුම් දෙයි.

තාක්ෂණය මෙතරම් දියුණු යුගයක එක් වන නිවහනක් නොව සියලුම දෙපාර්තමේන්තුව සතු වන නිවහන් වෙබ් අඩවිය හරහා වෙන්කර ගැනීමේ පහසුකම් ජනතාවට ලබා දෙන්නට හැකියාව තිබිය දී ඒවා මෙසේ සඟවා තබා ගන්නේ අත යට ගනු දෙනු මේ වෙන් කීරිම් හරහා කරගන්නා නිසාදැයි අපේ පාඨකයෝ විමසා සිටිති. වග කිව යුත්තන්ගේ අවධානය මේ කෙරෙහි යොමු වේවා.