බළන්ගොඩ සමනලවත්ත ප්‍රදේශයේ පිහිටි ශ්‍රීපාද අභය භූමියේ ඉකුත් 20 වැනිදා අතුරුදන් දරුවා සෙවීමේ මෙහෙයුම් දින පහක සිට සිදුකළද මේ වන තෙක් කිසිදු...
බළන්ගොඩ සමනලවත්ත ප්‍රදේශයේ පිහිටි ශ්‍රීපාද අභය භූමියේ ඉකුත් 20 වැනිදා අතුරුදන් දරුවා සෙවීමේ මෙහෙයුම් දින පහක සිට සිදුකළද මේ වන තෙක් කිසිදු තොරතුරක් හමු නොවූ බැවින් එම මෙහෙයුම් නවතා විද්‍යාත්මක පර්යේෂණ ඔස්සේ දරුවා සෙවීමේ කටයුතු පසුගිය (24) දින සිට ආරම්භ කළ බව බළන්ගොඩ පොලීසිය පවසයි.
මෙලෙස අතුරුදන්ව ඇත්තේ බළන්ගොඩ සමනලවත්තේ පදිංචි සහන් කුමාර ධර්මසිරි (10) නමැති දස හැවිරිදි වියේ දරුවෙකි.
කුරුවිට යුද හමුදා කඳවුරේ නිලධාරීන්, සෙබළුන් ඇතුළු පනස් දෙනෙකුගෙන් යුතු කණ්ඩයමක් ද රත්නපුර, බළන්ගොඩ සහ වේවැල්වත්ත යන පොලිස් ස්ථානවල නිලධාරීන් කණ්ඩායමක් හා ප්‍රදේශවාසීන් එක්ව කළ මෙහෙයුමෙන් විශාල ප්‍රදේශයක නිරීක්ෂණ කටයුතු කළද අතුරුදන් දරුවා සම්බන්‍ධයෙන් කිසිදු හෝඩුවාවක් නොලැබුණු බව බළන්ගොඩ පොලිස් ස්ථානාධිපති පොලිස් පරීක්‍ෂක උදයන බණ්ඩාර තෙන්නකෝන් මහතා පැවසීය.
ඒ හේතුවෙන් දරුවාගේ අතුරුදන්වීම සම්බන්‍ධයෙන් වන මෙහෙයුම් විද්‍යාත්මක පරීක්ෂණ සිදු කරන බවත්, බළන්ගොඩ පොලීසියේ අපරාධ විමර්ශන අංශයේ ස්ථානාධිපති උපපොලිස් පරීක්‍ෂක ජේ.ඩී.ඩී.පී ජයකොඩි මහතාගේ ප්‍රධානත්වයෙන් එම පරීක්ෂණ කරගෙන යන බවත් ස්ථානාධිපතිවරයා පවසා සිටියේය.
කෙසේ වෙතත් මෙම දරුවාගේ අතුරදන්වීම සම්බන්‍ධයෙන් විවිධ පැති ඔස්සේ මේ වනවිට පරීක්ෂණ අරඹා ඇති බවත් වන සතෙකුගෙන් දරුවාට හානියක් වී ඇත්ද නැත්නම් වෙනත් ආකාරයේ කරදරයක් වී ඇත්ද යන්න ගැන විමර්ශන මෙහෙය වන බව පොලීසිය වැඩිදුරටත් පවසයි.
COMMENTS