වර්තමානයේදී සිදුව ඇති මහබැංකු බැඳුම්කර වංචාව පිළිබඳ සිදුවීම පෙර පැවති ආණ්ඩුව සමයේදී මහබැංකුව සම්බන්ධව සිදුවූ සියළු වංචාවලට සාපේක්ෂව සුළු ස...
වර්තමානයේදී සිදුව ඇති මහබැංකු බැඳුම්කර වංචාව පිළිබඳ සිදුවීම පෙර පැවති ආණ්ඩුව සමයේදී මහබැංකුව සම්බන්ධව සිදුවූ සියළු වංචාවලට සාපේක්ෂව සුළු සිදුවීමක් බව ෆීල්ඩ් මාෂල්, අමාත්‍ය සරත් ෆොන්සේකා මහතා පවසයි.
ඔහු මේ බව ප්‍රකාශ කළේ කැළණිය ප්‍රදේශයේ පැවති උත්සවයකින් අනතුරුව මාධ්‍යවේදීන් වෙත අදහස් දක්වමිනි.
ඒ සම්බන්ධයෙන් අදහස් දක්වමින් ඔහු කියාසිටියේ, විපක්ෂයේ අය කරපු කතා මාත් අහගෙන හිටියා. ඒ කතාවලදී මට වැටහුනේ එතැන බොරදියේ මාළු බෑමක් කරන්න හදනවා. මීට ඉස්සෙල්ලා මහ බැංකුවේ ඊට වඩා සිය දහස් ගුණයකින් වංචා සිදුවෙලා තියෙනවා. එතකොට ඔය කෑ ගහන අය කවුරුත් කට ඇරියේ නෑ. කලින් වෙච්ච දේවල් එක්ක බැලුවම මේ වෙලා තියෙන සිද්ධිය ඉතාම සුළු සිද්ධියක්. එතකොට ඒ වෙලාවේ නිදාගෙන ඉඳලා, ඒවට අනුබල දීලා, ඒවගෙන් ප්‍රතිලාභ ලබලා දැන් කෑ කෝ ගහන්නේ දේශපාලන වාසි ගන්න" යනුවෙනි.
මේ අතර සේවා විශ්‍රාම වැටුප් ලබාගැනීම වෙනුවෙන් රණවිරුවන් විසින් උද්ඝෝෂණ සිදුකිරීම සම්බන්ධයෙන් මාධ්‍යවේදීන් විසින් ප්‍රශ්න කළ අතර එහිදී සරත් ෆොන්සේකා මහතා පැවසුවේ ජනාධිපතිවරයා විසින් දැනටමත් ඒ සඳහා විසදුම් ලබාදී ඇති බවයි.
වීඩියෝව පහතින්.
COMMENTS