බදුලු පුබුදුව ඇරඹෙයි

බදුල්ල ජනතාවට විවිධ සේවා සහ පහසුකම් රැසක් සපයන 'බදුලු පුබුදුව' වැඩසටහන අදින් (22) ආරම්භ වේ. මෙම වැඩසටහන හරහා සතියක කාලයක් පුරා එක...

බදුල්ල ජනතාවට විවිධ සේවා සහ පහසුකම් රැසක් සපයන 'බදුලු පුබුදුව' වැඩසටහන අදින් (22) ආරම්භ වේ.

මෙම වැඩසටහන හරහා සතියක කාලයක් පුරා එක් එක් දිනයට වෙන් වූ ප්‍රජා සේවා රැසක් සිදුකිරීමට අපේක්ෂිතයි.

අද දින මාර්ග දිනය වන අතර 23 වැනි ඉරිදා අධ්‍යාපන දිනය නමින් නම් කර ඇත.

24 වැනි සඳුදා දිනය කෘෂිකර්ම දිනය නමින් නම් කර ඇති අතර 25 වැනි අඟහරුවාදා දිනයේ ජංගම සේවා දිනය නමින් ද 26 වෙනි බදාදා දිනය නිවාස දිනය ලෙස ද නම් කර තිබේ.

27 වැනි බ්‍රහස්පතින්දා දිනය සෞඛ්‍ය දිනය ලෙස නම් කර ඇති අතර අවසාන දිනය වන 28 වැනිදා විදුලි සංදේශ සහ ඩිජිටල් යටිතල පහසුකම් දිනය ලෙස නමින් නම් කර ඇත.

මෙම වැඩසටහන් මාලාව අද ආරම්භ වූයේ පාර්ලිමේන්තු සභා නායක, අමාත්‍ය ලක්ෂ්මන් කිරිඇල්ල මහතාගේ ප්‍රධානත්වයෙනි.

විදුලි සංදේශ සහ ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතාගේ සංකල්පයකට අනුව මෙම වැඩසටහන් මාලාව සංවිධානය වී තිබේ.

මෙම වැඩපිළිවෙල යටතේ, ග්‍රාමීය මාර්ග 45 ක සංවර්ධන කටයුතු ආරම්භ කිරීම, වැඩ අවසන් කළ වැවබැද්ද මාර්ගය, රත්වත්ත මාවත සහ වේවැස්ස මාවත ජනතා අයිතියට පත්කිරීම, මහජන ආධර ලබාදීම, ඉඩම් ඔප්පු සහ නිවාස ද්‍රව්‍යධාර, ශ්‍රවණ උපකරන, රෝද පුටු, කිහිලිකරු ප්‍රදානය, දහම් පාසල් ගුරුවරුන්ට නිළ ඇදුම් ප්‍රධානය කිරීම, විහාරස්ථාන සඳහා පිත්තල පහන් පූජා කිරීම, කෙසෙල් සෙවන ගම්මානයේ ව්‍යාපෘතියට මුල් ගල තැබීම, කුඩා තේවතු හිමියන් 1000කට පොහොර සහනාධාර ලබාදීම, කෘෂි ප්‍රදර්ශනය සහ ගොවි සතිය ක්‍රියාත්මක කිරීම, තොරතුරු තාක්ෂණය පිළිබදව දරු දැරියන්ගේ දැනුම මිනුම උරඟා බැලීම, විශේෂ සෞඛ්‍ය සායනය, තොරතුරු තාක්ෂණ සම්මන්ත්‍රන, ස්වේච්ඡා සමිති සඳහා අවශ්‍ය ආවරණ කට්ටල ලබාදීම ආදී වශයෙන් දැවැන්ත ප්‍රජා සේවාවන් රැසක් ක්‍රියාත්මක කෙරෙනු ඇත.