ඊයේ (09) මාතලේ දිස්ත්‍රික් ලේකම් කාර්යාල භූමියේ වළදමා තිබී හමුවූ ගිනිඅවි තොගය පොලිස් පරීක්ෂණවලින් අනතුරුව අධිකරණයට භාරදීමට නියමිතය. පොලීස...
ඊයේ (09) මාතලේ දිස්ත්‍රික් ලේකම් කාර්යාල භූමියේ වළදමා තිබී හමුවූ ගිනිඅවි තොගය පොලිස් පරීක්ෂණවලින් අනතුරුව අධිකරණයට භාරදීමට නියමිතය.
පොලීසිය ප්‍රකාශ කළේ මේ වන විටත් ඒ සම්බන්ධයෙන් මූලික පරීක්ෂණ සිදුකරන බවයි.
අධිකරණයට භාරදීමෙන් අනතුරුව අදාළ ගිනිඅවිවල කාල නිර්ණයට අදාළ පියවර ගන්නා බව වාර්තා වේ.
ඒ අනුව එම ගිනිඅවි සම්බන්ධයෙන් වැදගත් තොරතුරු රැසක් අනාවරණය කරගැනීමට හැකි වනු ඇති බව පොලීසිය කියයි.
පරීක්ෂණවලින් අනතුරුව එම ගිනිඅවි කිසියම් අපරාධයක් සඳහා සම්බන්ධ නොවන බවට අනාවරණය වුවහොත් ඒවා විනාශ කිරීමට පියවර ගන්නා බව ද පොලීසිය ප්‍රකාශ කළේය.
ඊයේ මෙම ගිනි අවි තොගය හමුවුණේ මාතලේ දිස්ත්‍රික් ලේකම් කාර්යාල පරිශ්‍රයේ ඉදිකිරීම් කටයුත්තක් සඳහා කැණීම් සිදුකරන අතරතුරයි.
COMMENTS