මේ වනවිට පුනරුත්ථාපනය ලැබ සිටින හිටපු එල්. ටී. ටී. ඊ සාමාජිකයින්ට විෂ එන්නත් ශරීර ගතකර ඇත්ද යන්න පිළිබඳව පරීක්ෂණයක් කළ යුතු යැයි යෝජනාවක් ...
මේ වනවිට පුනරුත්ථාපනය ලැබ සිටින හිටපු එල්. ටී. ටී. ඊ සාමාජිකයින්ට විෂ එන්නත් ශරීර ගතකර ඇත්ද යන්න පිළිබඳව පරීක්ෂණයක් කළ යුතු යැයි යෝජනාවක් උතුරු පළාත් ප්‍රධාන අමාත්‍ය සී.වී විග්නේෂවරන් මහතා විසින් උතුරු පළාත් සභාවට ඉදිරිපත් කර තිබේ.
එම යෝජනාව ඉදිරිපත් කරමින් ඔහු ප්‍රකාශ කොට ඇත්තේ අදාළ පරීක්ෂණය ජාත්‍යන්තර වෛද්‍යවරුන්ගේ සහභාගීත්වයෙන් සිදුකළ යුතු බවයි.
මුලතිව් දිස්ත්‍රික් පළාත් සභා මන්ත්‍රී ටී. රවීහරන් මහතා විසින් සකස් කර ඇති මෙම යෝජනාව ප්‍රධාන අමාත්‍යවරයා විසින් මෙලෙස උතුරු පළාත් සභාවට ඉදිරිපත් කර ඇති බව වාර්තා වේ.
පුනරුත්ථාපනය ලැබූ හිටපු එල්.ටී. ටී. ඊ සාමාජිකයින් විශාල පිරිසක් මේ වන විට හඳුනානොගත් රෝගයකින් පෙළෙන බවත් සාමාජිකයින් 107දෙනෙකු හඳුනානොගත් රෝගයකින් ජීවිතක්ෂයට පත්ව ඇති බවත් ටී. රවීහරන් මන්ත්‍රීවරයා මේ සම්බන්ධයෙන් අදහස් දක්වමින් පැවසීය.
ඔහු වැඩිදුරටත් අදහස් දක්වමින් කියාසිටියේ එම හිටපු එල්. ටී. ටී. ඊ සාමාජිකයින්ට විෂ එන්නත් ශරීර ගත කර ඇති බවට දෙමළ ජනතාව විසින් සිදුකරන චෝදනා සැළකිල්ලට ගනිමින් ඒ සම්බන්ධයෙන් පරීක්ෂණයක් සිදුකළ යුතු බවට යෝජනාවක් පළාත් සභාවට ඉදිරිපත් කිරීමට තමන් පියවර ගත් බවයි.
COMMENTS