C.S.N නාලිකාවට නීති විරෝධීව ආයෝජනය කර තිබූ රුපියල් මිලියන 157.5ක මුදලක් රාජසන්තක කිරීම වැදගත් සිද්ධියක් බව පුරවැසි සංවිධාන එකමුතුවේ කැඳවුම...
C.S.N නාලිකාවට නීති විරෝධීව ආයෝජනය කර තිබූ රුපියල් මිලියන 157.5ක මුදලක් රාජසන්තක කිරීම වැදගත් සිද්ධියක් බව පුරවැසි සංවිධාන එකමුතුවේ කැඳවුම්කරු සමන් රත්නප්‍රිය මහතා පවසයි.
ඒ මහතා මේ බව පැවසූයේ ඊයේ (11) කොළඹදී පැවති මාධ්‍ය හමුවකට එක්වෙමිනි.
හිටපු අමාත්‍ය බැසිල් රාජපක්ෂ මහතාට අයිති බව පැවසෙන කඩුවෙල අක්කර 18ක ඉඩම සහ මාතර බ්‍රවුන්සිල් හි පිහිටි ඉඩම් හා ඉදිකිරීම්ද රජයට පවරා ගැනීමට කටයුතු කිරීම වැදගත් බවද ඒ මහතා සඳහන් කළේය.
එමෙන්ම C.S.N නාලිකාවේ අයිතිකරුවන් රාජපක්ෂලා නොවන බවට මෙන්ම රාජසන්තක කළ මුදල් රාජපක්ෂලාගේ නොවන බවට පළ වන ප්‍රචාරයන්ද අසත්‍ය බව ඔහු පෙන්වා දෙයි.
එමෙන්ම මෙම මුල්‍යමය වංචා පිළිබඳව දීර්ඝ වශයෙන් විමර්ශන කළ යුතු බවද ඒවා විමර්ශනය කිරීම පමණක් නොව ඊට නිසි දඬුවම් කිරීම්ද සිදු කළ යුතු බවද ඒ මහතා පවසයි.
එමෙන්ම පසුගිය පාලන සමයේ සිදු වූවා යැයි පැවසෙන දේශපාලනික පලිගැනීම්, අතුරුදන් කිරීම් හා ඝාතනය කිරීම් යනාදියටද නිසි විමර්ශන ආරම්භ කර නිසි දඬුවම් ලබාදිය යුතු බව සමන් රත්නප්‍රිය මහතා වැඩිදුරටත් පැවසී ය.
COMMENTS