මෙරට ජාතීන් අතර සංහිඳියාව ඇති කරවීමට යන ගමනේදී කිසිවකුගේ දේශපාලන අරමුණු ඉටුකිරීමට රජය සූදානම් නැති බව ආරක්ෂක රාජ්‍ය අමාත්‍ය රුවන් විජයවර්ධ...
මෙරට ජාතීන් අතර සංහිඳියාව ඇති කරවීමට යන ගමනේදී කිසිවකුගේ දේශපාලන අරමුණු ඉටුකිරීමට රජය සූදානම් නැති බව ආරක්ෂක රාජ්‍ය අමාත්‍ය රුවන් විජයවර්ධන මහතා ප්‍රකාශ කරයි.
ඒ මහතා මේ බව පැවසුවේ ඊයේ (31) කොළඹ පැවති උත්සවයකට සහභාගී වෙමිනි.
එහිදී අදහස් දැක්වූ අමාත්‍යවරයා කියාසිටියේ මොරගහකන්ද ජලාශය සම්බන්ධයෙන් උතුරු පළාත් ප්‍රධාන අමාත්‍ය විග්නේශ්වරම් මහතා සිදුකළ ප්‍රකාශ පිළිබඳව තමා කණගාටුවන බවයි.
වැඩිදුරටත් අදහස් දැක්වූ අමාත්‍යවරයා, "ජනතාවට වතුර දෙන්න කා සමගවත් සාකච්ඡා කරන්න අවශ්‍ය නැහැ. දේශපාලන වාසිගන්න අපි වැඩකරන්නේ නැහැ. රටේ සංහිඳියාව ඇති කරන්න අපි උපරිම උත්සහ කරනවා. ඒ වෙනුවෙන් කැපවෙනවා. විවිධ පුද්ගලයන්ගේ දේශපාලන අරමුණු ඉටුකරන්න අපි සූදානම් නැහැ. සියලුම ජනයා අතර සංහිඳියාව ඇති කරන්න මේ රජය කටයුතු කරනවා. මොරගහකන්ද ජලාශය සම්බන්ධයෙන් උතුරු ප්‍රධාන අමාත්‍යවරයාගේ කතාව ගැන මම කණගාටු වෙනවා"යි කියාසිටියේය.
COMMENTS