විපක්ෂ නායක සජිත් ප්රේමදාස මහතා සහ ජලනි ප්රේමදාස මහත්මිය සම්බන්ධයෙන් ද ඉදිරියේදී බරපතළ විමර්ශන ආරම්භ වනු ඇති බව දේශපාලන විචාරක විදර්ශන කන්...
විපක්ෂ නායක සජිත් ප්රේමදාස මහතා සහ ජලනි ප්රේමදාස මහත්මිය සම්බන්ධයෙන් ද ඉදිරියේදී බරපතළ විමර්ශන ආරම්භ වනු ඇති බව දේශපාලන විචාරක විදර්ශන කන්නංගර මහතා පවසයි.
මාධ්ය අමතමින් ඒ මහතා කියා සිටියේ, සජිත් ප්රේමදාස මහතා සංස්කෘතික අමාත්යවරයාව සිටි සමයේ සිදුවූ මූල්ය අක්රමිකතා පිළිබඳව නව තොරතුරු රැසක් අනාවරණය වී ඇති බවයි.
පසුගිය පාලන සමයන්හිදී දේශපාලනඥයන් සහ ආරක්ෂක අංශ ප්රධානීන් එක්ව පවත්වාගෙන ගිය දූෂිත ජාලය මේ වන විට බිඳ වැටෙමින් පවතින බව ඔහු පෙන්වා දුන්නේය.
කන්නංගර මහතා මෙසේ පැවසීය.
"චරිත් අබේසිංහ සහ රඛිත රාජපක්ෂගෙන් පස්සේ ඊළඟට එන්නේ සජිත් ප්රේමදාසගේ ෆයිල් එක. ඔහු සංස්කෘතික අමාත්යවරයා ලෙස කටයුතු කරද්දී මධ්යම සංස්කෘතික අරමුදලේ මුදල් අත්තනෝමතික ලෙස විවිධ පන්සල්වලට බෙදා දී තිබෙනවා. පුරාවිද්යාත්මක සහ සංස්කෘතික වටිනාකම් සහිත කටයුතු සඳහා වෙන් කළ භාරකාර අරමුදලක් මෙලෙස දේශපාලන වාසි සඳහා යොදා ගැනීම බරපතළ වරදක්."
රාජපක්ෂ පවුල සහ ඔවුන්ගේ හිතවතුන් විසින් ගොඩනගා තිබූ Deep State මුලිනුපුටා දැමීම වත්මන් රජයේ ප්රධාන වගකීමක් බව ඔහු අවධාරණය කළේය.
"මේ රටේ මිනිස්සු අරගල කරලා පාරට බැස්සේ මෙන්න මේ වගේ දූෂිත පාලන ක්රමයක් වෙනස් කරන්නයි. අද සිදුවෙමින් පවතින්නේ ජනතාව ඉල්ලූ ඒ යුක්තිය ඉටුවීමයි. මේක එක් පුද්ගලයෙකුගේ හෝ පක්ෂයක පෞද්ගලික න්යාය පත්රයක් නෙවෙයි, රටේ ජනවරම ක්රියාත්මක වීමක්" යැයි ද ඔහු සඳහන් කළේය.
සජිත් ප්රේමදාස මහතාට සහ ජලනි ප්රේමදාස මහත්මියට එරෙහිව පවතින මෙම චෝදනා පිළිබඳව අල්ලස් හෝ දූෂණ විමර්ශන කොමිෂන් සභාව ඉදිරියේදී දැඩි අවධානයක් යොමු කරනු ඇතැයි තමන් විශ්වාස කරන බව ද කන්නංගර මහතා පැවසීය.
දේශපාලනය ව්යාපාරයක් කරගත් සියලු දෙනාට ඉදිරියේදී අධිකරණය හමුවේ පෙනී සිටීමට සිදුවනු ඇති බවත්, මෙය මෙරට දේශපාලන ඉතිහාසයේ තීරණාත්මක හැරවුම් ලක්ෂ්යයක් වනු ඇති බවත් ඔහු වැඩිදුරටත් කියා සිටියේය.
COMMENTS