විශ්රාමික මේජර් ජෙනරාල් සුරේෂ් සලේගේ මූලික අයිතිවාසිකම් අඛණ්ඩව උල්ලංඝනය වන බව පවසමින් ඔහුගේ බිරිඳ වන එස්.බී.එම්.එස්.බී. සලේ විසින් ශ්රී ලං...
විශ්රාමික මේජර් ජෙනරාල් සුරේෂ් සලේගේ මූලික අයිතිවාසිකම් අඛණ්ඩව උල්ලංඝනය වන බව පවසමින් ඔහුගේ බිරිඳ වන එස්.බී.එම්.එස්.බී. සලේ විසින් ශ්රී ලංකා මානව හිමිකම් කොමිෂන් සභාව වෙත වැඩිදුර පැමිණිල්ලක් ඉදිරිපත් කර තිබේ.
දැනට රැඳවුම් භාරයේ පසුවෙමින් කොළඹ ජාතික රෝහලේ ප්රතිකාර ලබන සුරේෂ් සලේ සහ ඔහුගේ නීතිඥ අසිත සිරිවර්ධන අතර 2026 ජූලි 08 වැනිදා පැවැති සාකච්ඡාවකදී මෙම අයිතිවාසිකම් උල්ලංඝනය වීම සිදුව ඇති බව පැමිණිල්ලේ සඳහන් වේ.
සුරේෂ් සලේට තම නීතිඥවරයා හමුවීමට සතියකට වරක් විනාඩි 20ක වැනි කෙටි කාලයක් පමණක් අවසර ලැබෙන පසුබිමක, එදින පැවැති හමුවට රෝහලේ රැඳී සිටි අපරාධ විමර්ශන දෙපාර්තමේන්තු (CID) නිලධාරීන් බාධා පමුණුවා ඇත.
ඉහළ බලධාරීන්ගෙන් ලැබුණු උපදෙස් මත යැයි පවසමින්, නීතිඥවරයා සහ සේවාදායකයා අතර පැවැති රහස්ය සාකච්ඡාව පුරාවටම CID නිලධාරීන් එම ස්ථානයේ රැඳීසිට ඇති අතර පෞද්ගලිකව අදහස් හුවමාරු කර ගැනීමට ඉඩ දීම ප්රතික්ෂේප කර තිබේ.
මෙම ක්රියාව ආණ්ඩුක්රම ව්යවස්ථාව මඟින් සහ ත්රස්තවාදය වැළැක්වීමේ පනත යටතේ රැඳවියන් වෙනුවෙන් සහතික කර ඇති සාධාරණ නඩු විභාගයකට සහ නීතිමය නියෝජනයක් ලැබීමට ඇති මූලික අයිතිය දරුණු ලෙස උල්ලංඝනය කිරීමක් බව මනෝරි සලේ පෙන්වාදෙයි.
එබැවින් මේ සම්බන්ධයෙන් වහාම මැදිහත් වී, නිලධාරීන්ගේ අධීක්ෂණයකින් තොරව තම ස්වාමිපුරුෂයාට නීතිඥ ප්රවේශය ලබාදීමට කටයුතු කරන ලෙසත්, රහස්ය සාකච්ඡාවලට බාධා කිරීමට CID නිලධාරීන්ට උපදෙස් දුන් ඉහළ බලධාරීන් පිළිබඳව විමර්ශනයක් පවත්වන ලෙසත් ඇය මානව හිමිකම් කොමිෂන් සභාවෙන් ඉල්ලා සිටී.
මේ පුවත තව අයට බලන්න
COMMENTS