විනිසුරු විශ‍්‍රාම වයස ගැන මත ගැටුම් දරුණුයි - විනිසුරු පසන් අමරසේන සභාපති ධුරයෙන් ඉල්ලා අස්වේ!

විනිසුරු පසන් අමරසේන මහතා අධිකරණ සේවා සංගමයෙන් ඉල්ලා අස්වී තිබේ.  සිය ඉල්ලා අස්වීම දැනුම් දෙමින් සංගමයේ සාමාජිකයන් වෙත ඔහු විසින් යොමු කර ඇ...

විනිසුරු පසන් අමරසේන මහතා අධිකරණ සේවා සංගමයෙන් ඉල්ලා අස්වී තිබේ. 

සිය ඉල්ලා අස්වීම දැනුම් දෙමින් සංගමයේ සාමාජිකයන් වෙත ඔහු විසින් යොමු කර ඇති ලිපිය මෙසේය.

සමාජ ජාල වෙත මුදා හැර ඇති එම ලිපිය මෙසේය.

මෙම තීරණාත්මක මොහොතේ අධිකරණ සේවා සංගමයේ සභාපතිවරයා ලෙසට වර්තමාන තත්වය පිළිබදව සමස්ථ සාමාජිකත්වය දැනුවත් කිරීම අත්නොහල යුතු වගකීමක් වන බැවින් මෙය පළ කරමි. 

අධිකරණ සේවා සංගමය ආරම්භ කරන ලද්දේ සාමාජික විනිසුරුවරුන්ගේ සුභසාධනය සදහා ක්‍රියාත්මක වන සංගමයක් ලෙසටයි. අධිකරණ සේවා සංගමය කිසිදු අවස්ථාවකදී වෘත්තීය සමිතියක් ලෙසට ක්‍රියාත්මක වී නොමැති අතර එසේ ක්‍රියාත්මක වීමේ හැකියාවක්ද නොමැත. අධිකරණ සේවා සංගමය ලියාපදිංචි කරන ලද සංගමයක් නොවන අතරම, ලිඛිත ව්‍යවස්ථාවක්ද නොමැති, සම්ප්‍රදායන් සහ පූර්ව නිදර්ශන පෙරදැරි කරගෙන අධිකරණයේ ස්වාධීනත්වය වෙනුවෙන් ගෞරවාන්විත කාර්‍යභාරයක් සමස්ථ අධිකරණ පද්ධතියට සහ රටටම සිදුකරනු ලබන, ශ්‍රී ලංකාවේ දිසා විනිසුරුවරුන් සහ මහේස්ත්‍රාත්වරුන්ගේ පමණක් සාමාජිකත්වයෙන් පිහිටුවන ලද සංගමයකි. 

අධිකරණ සේවා සංගමයේ සෑම සාමාජිකයකුම අධිකරණ සේවා කොමිෂන් සභාව යටතේ සේවයේ නියුතු විනිසුරුවරුන් වේ. වෘත්තීය සාරධර්ම සහ ස්වාධීනත්වය රැකගෙන අධිකරණ සේවා කොමිෂන් සභාවේ ආශිර්වාදය ඇතිව ශ්‍රී ලංකාවේ සමස්ථ අධිකරණ සේවයටම ආභරණයක් ලෙසට අධිකරණ සේවා සංගමය ආදර්ශමත් ගමනක් මෙතෙක් පැමිණ තිබේ. 

ඉතිහාසයේ කවරදාකවත් සිදු නොවූ ආකාරයෙන්, විනිසුරුවරුන්ට නොගැලපෙන අයුරින් අධිකරණ සේවා සංගමය සහ එහි සාමාජිකත්වය අපකීර්තියට පත් කරමින්, සමස්ථ සාමාජිකත්වයම ඉතාම පහත්, භයානක තත්වයකට ඇද දමමින්, සාමාජිකයින් සහ සාමාජිකාවන් අතලොස්සක් සහ අධිකරණ සේවා සංගමයේ ලේකම්වරයා ප්‍රමුඛ විධායක කමිටු සාමාජික සාමාජිකාවන් පිරිසක් කටයුතු කරනු ලබන බව කණගාටුවෙන් සහ පිලිකුල්සහගතව සමස්ථ සාමාජිකත්වයට දැනුම් දීමට සිදුව තිබේ.

*2026.07.11 දිනට පැවැත්වීමට විධායක කමිටුව විසින් සාමාජිකත්වයට යෝජනාකර තිබූ විශේෂ මහා සභා රැස්වීම**

2026.06.27 දින රැස්වූ විධායක කමිටුව විසින්, මේ වන විට සාකච්ඡාවට භාජනය වී ඇති විනිසුරුවරුන්ගේ විශ්‍රාම වයස දීර්ඝ කිරීම සම්බන්ධයෙන් අප සංගමයේ සාමාජිකයින්ගේ අදහස් විමසීම සදහා විශේෂ මහා සභාවක් පැවැත්වීමට සාමාජිකත්වයට යෝජනා කිරීමට තීරණය කරන ලදී. 

මේ වන තෙක් අධිකරණ සේවා සංගමය විසින් පවත්වන ලද සියළුම විශේෂ මහා සභා රැස්වීම් පැවැත්වීමට පෙර අධිකරණ සේවා කොමිෂන් සභාව වෙත අදාල මාතෘකාව සම්බන්ධයෙන් වූ අප සංගමයේ විධායක සභාවේ සැලකිල්ලට බදුන් වූ හේතු (reasons for the concern) අධිකරණ සේවා කොමිෂන් සභාව සමග පවත්වන සම්මුඛ සාකච්ඡාවකදී හෝ අධිකරණ සේවා කොමිෂන් සභාවේ ගරු ලේකම්වරයා හරහා කොමිෂන් සභාවට දැනුම් දීමෙන් පසුව, අධිකරණ සේවා කොමිෂන් සභාවේද එකගතාවය (concurrence) මත පැවැත්වීම පිළිගත් සම්ප්‍රදාය බව ඔබ අප සියළු දෙනා දන්නා කරුණකි. කෙසේවුවද මේ අවස්ථාවේදී ද ඒ ආකාරයට අධිකරණ සේවා කොමිෂන් සභාව සමග සාකච්ඡාවක් පවත්වා මෙම මාතෘකාව සම්බන්ධයෙන් වූ අප සංගමයේ සැලකිලිමත්වීම (concern) දැනුම්දීමට මා විසින් විධායක කමිටුවට කරන ලද යෝජනාව විධායක කමිටුව විසින් කිසිදු සාධාරණ හේතුවක් නොමැතිව ඉවත දමන ලදී. ඔවුන් හේතුව ලෙසට දකවා සිටියේ, අධිකරණ සේවා කොමිෂන් සභාව සමග සාකච්ඡා කිරීමට ගියහොත් තමන්ට මෙම මහා සභා රැස්වීම නොපවත්වන ලෙසට අධිකරණ සේවා කොමිෂන් සභාව විසින් අණ කරනු ලැබිය හැකි බවයි. 

අධිකරණ සේවා සංගමය විසින් මෙතෙක් පවත්වන ලද විශේෂ මහා සභා රැස්වීම් පවත්වන ලද ක්‍රමවේදය, එදින විධායක කමිටු රැස්වීමට සහභාගී වූ සාමාජිකයින් අතුරින්, 2010 වර්ෂයෙන් පසුව පැවැති සෑම විශේෂ මහා සභා රැස්වීමකටම සහභාගී වී සිටි සාමාජිකයකු වන මා විසින් විධායක කමිටුව වෙත 2026.06.27 දින පැවැති කමිටු සාකච්ඡාවේදී මනාව පැහැදිලි කරන ලදී. 

එසේ විශේෂ මහා සභා රැස්වීමක් පැවැත්වීම සිදු කරනු ලබන්නේ;

• සමස්ථ සාමාජිකත්වයෙන් 1/3ක් විසින් කරනු ලබන ඉල්ලීමක් මත; හෝ, 

• ⁠එසේ සමස්ථ සාමාජිකත්වයෙන් 1/3 කගේ ඉල්ලීමක් නොමැති අවස්ථාවකදී විධායක කමිටුව විසින් විශේෂ මහා සභා රැස්වීමක් පැවැත්වීමට යෝජනාවක් සාමාජිකත්වයට දැනුම් දී, සමස්ථ සාමාජිකත්වයෙන් 1/3 ක වත් සාමාජිකයින් සංඛ්‍යාවක් එම විශේෂ මහා සභා රැස්වීමට සහභාගී වන බවට තහවුරු කළහොත්;

පමණක් බව මේ වන විට අධිකරණ සේවා සංගමය විසින් සිදු කරනු ලබන ක්‍රමවේදය බව මා විසින් පැහැදිලි කිරීමෙන් පසුව, සමස්ථ සාමාජිකත්වයෙන් 1/3 ක සංඛ්‍යාවකගේ ඉල්ලීමක් නොමැති බැවින්, ඉහත කී දෙවන ක්‍රමවේදය අනුව සමස්ථ සාමාජිකත්වයෙන් 1/3 ක් සහභාගීත්වය තහවුරු කළහොත් 2026.07.11 දින විශේෂ මහා රැස්වීමක් පැවැත්වීමට විධායක කමිටුව විසින් ඒකමතිකව තීරණය කරන ලදී. එකී තීරණය අනුව ලේකම්වරයා විසින් JSA Members Official Whatsapp Group හි 2026.07.02 දිනැති සහභාගීත්වය තහවුරු කිරීමේ (confirmation of participation) පණිවුඩය පළ කරන ලදී. ඒ අනුව මෙම විශේෂ මහා සභා රැස්වීම පැවැත්වීමට නම් අප සංගමයේ සාමාජිකයින් 86 දෙනකු විසින් තම සහභාගීත්වය තහවුරු කළ යුතු වේ. නමුත් සහභාගීත්වය තහවුරු කිරීමේ කාලය අද උදෑසන අවසාන වූ පසුවත් මේ වන විට සාමාජිකයින් 46 ක් පමණක් තම සහභාගීවීම තහවුරු කර තිබේ. ඒ අනුව පිළිගත් සම්ප්‍රදාය අනුව මෙම යෝජිත විශේෂ මහා සභා රැස්වීම පැවැත්වීමේ හැකියාවක් නැත. 

විශේෂ මහා සභා රැස්වීමක් පැවැත්වීමට ප්‍රමාණවත් සාමාජිකයින් සංඛ්‍යාවක් සහභාගීත්වය තහවුරු නොකරන බවත්, ඒ අනුව විශේෂ මහා සභා රැස්වීම පැවැත්වීමට නොහැකි බවට හැගීයාම හේතුවෙන්, කෙසේ හෝ විශේෂ මහා සභා රැස්වීමක් පවත්වා විනිසුරුවරුන්ගේ විශ්‍රාම වයස දීර්ඝ කිරීමට අධිකරණ සේවා සංගමය එරෙහි බවට යෝජනාවක් සම්මත කර, එය මාධ්‍ය මගින් ප්‍රචාරය කර, විනිසුරුවරුන්ගේ විශ්‍රාම වයස දීර්ඝ කිරීමට එරෙහි වී ඇති පාර්ශවයන්ට සහ සමහර දේශපාලන උවමනාවන්ට සහාය දැක්වීමේ කණගාටුදායක සහ නිර්ලජ්ජිත උත්සාහයක අප සංගමයේ ලේකම්වරයා, විධායක කමිටුවේ සාමාජිකයින් කිහිප දෙනෙකු සහ සාමාජිකයින් කිහිප දෙනෙකු නිරත වන බව මේ වන විට පැහැදිලිව පෙනී යයි. සහභාගීත්වය තහවුරු කිරීමේ කාලය ඉක්මයාමටද මත්තෙන් ඊයේ දින වනවිටම ලේකම්වරයා විසින් විශේෂ මහා සභා රැස්වීම අනිවාර්යයෙන්ම පවත්වනු ලබන බවට නිවේදනය කිරීමෙන්ම මෙම උත්සාහය පිළිබදව මනාව පැහැදිලි වේ. තවද, ඉතාම පැහැදිලිව ගන්නා ලද විධායක කමිටු තීරණ වෙනස් කරමින් විටින් විට වෙනස් තීරණ විධායක සභාවට දැනුම් දීම මගින් ලේකම්වරයා විසින් රැස්වීම් සටහන් සිතාමතාම වෙනස් කර තමන්ට අවශ්‍ය තීරණය විධායක සභාව විසින් ගත් තීරණය බවට ව්‍යාජව දන්වමින් කටයුතු කරන බවද පෙනී යයි. 

මෙම මහා සභා රැස්වීම සෙනසුරාදා දිනයකදී විවෘත අධිකරණ ශාලාවකදී පැවැත්වීමට නියමිත නමුත්, කඩුවෙල මහේස්ත්‍රාත්වරයා විසින් මෙතෙක් ඒ සදහා අධිකරණ සේවා කොමිෂන් සභාවේ අවසරයද ලබාගෙන නොමැත. 

මේ ආකාරයෙන් විනිසුරුවරුන් විසින් අධිකරණ සේවා කොමිෂන් සභාවේ අවසරයකින් තොරව, සම්ප්‍රදායෙන් බැහැරව, සමස්ථ සාමාජික සංඛ්‍යාවෙන් 1/3 කගේ වත් සහභාගීත්වය තහවුරුවකින් තොරව විශේෂ මහා සභා රැස්වීමක් පැවැත්වීම නීත්‍යානුකූල නොවන අතර, නීත්‍යානුකූල නොවන රැස්වීමකට සහභාගී වී සභාපතිවරයා ලෙසට මුලසුන දැරීම, මෙම රැස්වීමට සහභාගීවන බවට තහවුරු කර නැති අති බහුතර සාමාජිකත්වයට (සාමාජිකයින් 212) සහ අධිකරණ සේවා කොමිෂන් සභාවට ද අගෞරවයක් බවට සලකමි. 

විධායක කමිටුව විසින් 2026.07.11 දින කඩුවෙල මහේස්ත්‍රාත් අධිකරණයේදී පැවැත්වීමට සාමාජිකත්වයට යෝජනා කරන ලද විශේෂ මහා සභා රැස්වීම ඉහත කරුණු මත මුලසුන ගෙන පැවැත්වීමට සභාපතිවරයා ලෙසට මා හට නොහැකි බවට දැනුම් දෙමි. 

කෙසේවුවද, ඉහත දක්වන ලද කරුණු වලට පටහැනිව විශේෂ මහා සභා රැස්වීමක් 2026.07.11 දින පැවැත්වීමට කවරකු හෝ සංවිධානය කළහොත්, එම රැස්වීම සම්බන්ධයෙන් සභාපතිවරයා ලෙසට මා කිසිදු වගකීමක් භාර නොගන්නා බවද, නීත්‍යානුකූල නොවන විශේෂ මහා සභා රැස්වීමකට සභාපතිවරයා ලෙස මුලසුන ගැනීමට මා හට හැකියාවක් නොමැති බවද සමස්ථ සාමාජිකත්වයට ගෞරවයෙන් දැනුම් දෙමි. 

තවද, පසුගිය දින කිහිපයෙහි අධිකරණ සේවා සංගමයේ ලේකම්වරයා සහ විධායක කමිටුවේ සමහර සාමාජිකයින් හැසිරුණු ආකාරය ඉතාම කණගාටුදායක අතර, කිසිදු වෘත්තීයභාවයක් නොපෙන්වමින්, අසත්‍ය ප්‍රකාශ කරමින්, කිසිදු පැකිලීමකින් තොරව කිසිදා අධිකරණ සේවා සංගමයේ සිදු නොවූ ආකාරයෙන් විධායක කමිටු තීරණ සහ සටහන් (Exco Minutes) විටින් විට වෙනස් කරමින් සදාචාරාත්මක නොවන අයුරින් හැසිරුණු ආකාරය ඉතාම ශෝචනීයය. සමහර විධායක කමිටු රැස්වීම් සදහා සහභාගී නොවූ විධායක කමිටු සාමාජිකයින් පවා තමන් සහභාගී නොවූ රැස්වීම් වලදී ගත් තීරණ සම්බන්ධයෙන් අසත්‍ය කරුණු දැක්වීම් සිදු කිරීම් කරන ලද්දේ තමන්ගේ වෘත්තීය ගෞරවය පවා කෙලෙසා ගනිමිනි. 

කිසිදු විශ්වාසයක් තැබිය නොහැකි විධායක කමිටුවකට තවදුරටත් නායකත්වය සැපයීමට මා හට කිසිදු අවශ්‍යතාවයක් නොමැත. අධිකරණ සේවා සංගමයේ වර්තමාන ලේකම්වරයා සහ විධායක කමිටුවේ බහුතර සාමාජිකයින් පිළිබදව කිසිදු විශ්වාසයක් මා හට නොමැති බැවින් අධිකරණ සේවා සංගමයේ සභාපතිධූරයෙන් වහාම ඉල්ලා අස්වීමට මා තීරණය කළ බවද දැනුම් දීමට කැමැත්තෙමි. 

කිසිදු බාහිර බලපෑමකට යටත් නොවී තම මතය නිර්භයව අවංකව ප්‍රකාශ කළ ප්‍රතිපත්තිගරුක විධායක කමිටු සහ අනෙකුත් සාමාජිකයින් කිහිපදෙනාට ගෞරවපූර්වක ස්තුතිය පිරිනමමි. 

පසුගිය වාර්ෂික මහා සභා රැස්වීමේදී මා සභාපතිධූරයට ඒකමතිකව පත් කරන ලද සමස්ථ සාමාජිකත්වයට ද මාගේ හෘදයාංගම ස්තුතිය පිරිනමමි. 

ස්තුතියි.

-පසාන් අමරසේන-

සභාපති,

අධිකරණ සේවා සංගමය

-------------------------

කෙසේ වෙතත් විනිසුරු පසන් අමරසේනගේ චෝදනා ප‍්‍රතික්‍ෂේප කරමින් සංගමයේ ලේකම් විනිසුරු සුරංග මුණසිංහ සාමාජිකයින් වෙත යැවූ පිළිතුරු ලිපිය මෙසේය.

Dear colleagues, 

It is respectfully inform you that the Execetive Committee of the JSA has given me the authority to send this message to all of you.

EXCO has vehimently denied all the contents of the message of the President JSA on this group which is posted only 13 hours before the SGM scheduled tomorrow. 

Hence I kindly and respectfully inform all the members that the SPECIAL GENERAL MEETING will be held on 11.07.2026 - 10 AM at the  MAGISTRATE COURT, Kaduwela. 

Further I attach two letters sent by the JSA informing the Secretary JSC about the SGM  upon the decision taken by the EXCO. 

Thanking you.

Secretary JSA

Judicial Services Association President Resigns Amid Controversy

In a significant development within the legal community, Pasan Amarasinghe, the President of the Judicial Services Association (JSA), has announced his resignation in a letter circulated among members. This decision comes in light of ongoing tensions within the association regarding its governance and operational integrity.

The resignation letter revealed Amarasinghe's concerns about the current state of the JSA and its leadership. He emphasized the necessity for transparency among all members, indicating that it was vital to keep them informed during this critical period. Amarasinghe reflected on the inception of the JSA, noting that it was not established as a professional trade union but rather as a collective aimed at promoting the welfare of judicial officers.

In his emphatic communication, he expressed dismay at what he described as unprecedented disrepute faced by the association, resulting from actions that compromised its integrity. He lamented the decline in membership morale and highlighted the need for robust dialogue regarding the association's activities, particularly concerning the retirement age for judges, as discussed in prior executive meetings.

Notably, the context of his resignation includes calls for an extraordinary general meeting within the association. A special session was proposed to discuss pressing issues including the proposal to extend judges' retirement age, which some members believe requires thorough deliberation and consensus within the membership.

Despite Amarasinghe's insistence on addressing these issues urgently, the executive committee's recent decisions did not align with his proposals, leading to mounting frustrations. The reluctance to engage the Judicial Services Commission (JSC) for discussions on critical matters, particularly concerning member interests, was a point of contention he raised in his letter.

Following Amarasinghe’s resignation announcement, a response from the JSA Secretary, Suranga Munasinghe, emerged, categorically denying the claims made by Amarasinghe. In an effort to maintain continuity, Munasinghe declared that the planned Special General Meeting would proceed as scheduled on July 11, 2026, at the Kaduwela Magistrate Court, despite recent controversies.

This ongoing saga marks a tumultuous chapter for the JSA, embroiled in internal strife that highlights broader issues regarding governance and member representation within Sri Lanka's judicial framework. Amarasinghe concluded his letter with expressions of gratitude for the support he received during his tenure, underscoring the need for respect and professionalism in the association's future dealings.