ලංකාවට බෝම්බ ගැහුවේ බදුර්දීන්, හිස්බුල්ලා, අසාත් සාලි, මුජිබර් රහුමන්ගේ සහායෙන්ද? රට පාලනය කරන්නේ කුරුදුවත්තේ පිරිමි ගණිකාවන්..- විජේදාස ප‍්‍රබල හෙලිදරවුවක..[Video]

රිෂාඩ් බදුර්දීන්, ඒඑල්ඒඑම් හිස්බුල්ලා, අසාත් සාලි, මුජිබර් රහුමන් යන දේශපාලනඥයන්ගේ සහයෝගය නැතිව මෙරටට එල්ල වූ ත්‍රස්ත ප්‍රහාරය කිසිසේත්ම එල...

රිෂාඩ් බදුර්දීන්, ඒඑල්ඒඑම් හිස්බුල්ලා, අසාත් සාලි, මුජිබර් රහුමන් යන දේශපාලනඥයන්ගේ සහයෝගය නැතිව මෙරටට එල්ල වූ ත්‍රස්ත ප්‍රහාරය කිසිසේත්ම එල්ල වීමේ හැකියාවක් නොතිබූ බව පාර්ලිමේන්තු මන්ත්‍රී හිටපු අධිකරණ අමාත්‍ය විජේදාස රාජපක්ෂ මහතා පවසයි.
ඔහු මේ බව කියා සිටියේ බන්ධනාගාර ගතකර සිටින බොදු බල සේනා සංවිධානයේ මහ ලේකම් පූජ්‍ය ගලගොඩඅත්තේ ඥාණසාර හිමියන්ගේ සුවදුක් බැලීම සඳහා එහි ගොස් ආපසු එන අවස්ථාවේ මාධ්‍ය වෙත අදහස් පළ කරමිනි.

මෙම සියලු දේශපාලනඥයන් සිටින්නේ අගමැතිවරයාගේ රැකවරණය යටතේ බවද කී ඔහු තමන්ට ඇමති මණ්ඩලයෙන් ඉවත් කිරීමට ද බලපාන ලද්දේ මෙම ත්‍රස්ථවාදීන් සම්බන්ධයෙන් කරන ලද හෙළිදරව් කිරීම බවද සඳහන් කළේය.

අද වන විට මෙරට තුළ ආණ්ඩුවක් කැබිනට් මණ්ඩලයක් හෝ පාර්ලිමේන්තුවක් නැති බවත් එහෙන් මෙහෙන් අහුලා ගන්නා ලද කුරුදුවත්තේ පිරිමි ගණිකාවන් ටිකක් එකතු වී වරින් වර රට සම්බන්ධයෙන් තීන්දු ගන්නා බවද කී මන්ත්‍රීවරයා අද රට පාලනය කරන්නේ කුරුදුවත්තේ පිරිමි ගණිකාවන් බවද සඳහන් කළේය.

වෙසක් පොහොයට පෙර ඥානසාර හිමියන් නිදහස් කරන ලෙස ජනාධිපතිතුමාගෙන් බලකර ඉල්ලා සිටින බවද කී ඔහු එසේ නොකරන්නේ නම් ට එරෙහිව ප්‍රබල හඬක් නගන සංවිධාන බිහි කරන බවද කියා සිටියේය.