යහපාලන රජය හොද තීන්දු ගත් අතරේ ගොන් තීන්දුවක් ද ගත් බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි. චීන සහන ණය ආධාර යට...
යහපාලන රජය හොද තීන්දු ගත් අතරේ ගොන් තීන්දුවක් ද ගත් බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පවසයි.
චීන සහන ණය ආධාර යටතේ දිවයින පුරා රෝහල් 13 ක් සංවර්ධනය කිරීමේ වැඩපිළිවෙලට අනුව කළවාන මුලික රෝහලේ ඉදිකිරීමට යෝජිත මහල් 03 කින් යුත් වාට්ටු සංකීර්ණය සඳහා මුල්ගල් තැබීමේ උත්සව අවස්ථාවට ඊයේ (06) පෙරවරුවේ එක්වෙමින් සෞඛ්‍ය අමාත්‍යවරයා මේ බව පැවැසීය.
මෙහිදී අදහස් දැක් වූ සෞඛ්‍ය අමාත්‍යවරයා මේ බව පැවසීය.
“යහපාලන රජයක් පිහිටුවීමට ගත් තීන්දුව හොදයි. ඒ අතරේ ගොන් තීන්දුවක් ද ගත්තා. ඒ තමයි ප්‍රචාරණය නතර කිරිම. ජර්මනියේ තිබෙන යහපාලනය මෙරටට ඒ අයුරින්ම ගැලපෙන්නේ නැහැ. සංශෝධන ඇති කළ යුතුයි. වර්තමානයේ ජනාධිපතිගේ චින්තන, අගමැතිගේ චින්තන, නැහැ. තියෙන්නේ එක් එක් අමාත්‍යවරයාගේ චින්තන පමණයි. නමුත් පසුගිය රජය සමයේ තිබුන එකම චින්තනය මහින්ද චින්තනය විතරයි. ඇමැතිවරයෙක් වැඩක් කළත් එය මහින්ද චින්තනයට ගොනු කරනවා. එම නිසා සියලු දෙනාම හිතුවා මහින්ද රාජපක්ෂ මහතා විශ්වකර්මයෙක් කියලා. හම්බන්තොට වරාය හදන විට රට පුරාම ප්‍රචාරණය කරනවා. අපි එහෙම කළේ නැහැ. නමුත් අපිත් තීන්දුවක් ගත්තා ප්‍රචාරණය වැඩි කරන්න. ජනතාව දැනුවත් කරන්න. ජනතා හිතවාදි වැඩපිළිවෙළක් අපි දියත් කර තිබෙනවා. ආණ්ඩුව තුල දුර්වලකම් තිබෙනවා. දුර්වලකම් නැති ආණ්ඩු හදන්න කවදාවත් බැහැ. බුදුරජාණන් වහන්සේ පවා දේශණා කළේ ආරෝග්‍යා පරමා ලාභා යනුවෙනි."
ජනතාව සෞඛ්‍ය සම්පන්න වීම රටේ සංවර්ධනයටත් හේතුවක් වෙනවා. අක්ෂි කාච ලක්ෂයක් පසුගිය වසර 03 තුල රෝගීන්ට ලබාදී තිබෙනවා. හැබැයි සමහරු හිතන්නේ එම අක්ෂි කාචත් මහින්ද චින්තනයේ වැඩක් කියලා. මහින්ද රාජපක්ෂ මහතා ලබාදෙන්නේ හොද දේවල්. රනිල් වික්‍රමසිංහ මහතා ලබාදෙන්නේ නරක දේවල් එහෙම තමයි ජනතාවට උගන්වලා තිබෙන්නේ. මහින්ද රාජපක්ෂ හිටපු ජනාධිපතිවරයා පාර්ලිමේන්තුවේ දී මගෙන් ඊයේ ඇහුවා හම්බන්තොට නව මහ රෝහල විවෘත කරන්නේ කවදාද කියලා. මම කිවුවා ලබන මාසයේ විවෘත කරනවා. මම ඔබතුමාටත් ආරාධනා කරනවා කියලා. නෙදර්ලන්ත ආධාර යටතේ තමයි එම රෝහල ඉදිකර ඇත්තේ. වත්මන් රජය යටතේ මම අවයව බද්ධ කිරීම ලංකාවේ ආරම්භ කළා. ඉදිරියේ දී අවයව බද්ධ කිරීම අතින් හොදම රටක් ලෙස ලංකාව ප්‍රකාශයට පත් කරයි. කළුතර දිස්ත්‍රික්කයේ ගංවතුරෙන් පීඩාවට පත් වූ ජනතාවට 2018 වසරේ දී පමණක් රුපියල් බිලියන 06 ක් ලබාදී තිබෙනවා. මෙලෙස ජනතා හිතවාදී තීන්දුගත් කිසිදු රජයක් නැහැ."යැයිද ඒ මහතා වැඩිදුරටත් අදහස් දැක්විය.
COMMENTS