ඇමෙරිකාවේ හිටපු ශ්‍රී ලංකා තානාපති ජාලිය වික්‍රමසුරියට එරෙහිව ඇමරිකානු රජය නඩු පැවරීමට කටයුතු කර තිබේ. ඒ ,මුදල් විශුද්ධිකරණය , ආගමන විගමන...
ඇමෙරිකාවේ හිටපු ශ්‍රී ලංකා තානාපති ජාලිය වික්‍රමසුරියට එරෙහිව ඇමරිකානු රජය නඩු පැවරීමට කටයුතු කර තිබේ.
ඒ ,මුදල් විශුද්ධිකරණය , ආගමන විගමන වැරදි ඇතුළු චෝදනා පහක් යටතේ.
එරට නව තානාපති කාර්යාලයක් 2008 වසරේදී මිලට ගැනීමේදී සිදුවූ බව කියන ඇමරිකානු ඩොලර් 320,000 මුල්‍ය අක්‍රමිකතාවක් මෙම චෝදනා වලට පදනම වී තිබේ.
මෙරට විදේශ තානාපතිවරයකුට ඔහු සේවය කළ රටේදීම නඩු පැවරෙන පළමු අවස්ථාව මෙය වන අතර මෙම චෝදනා එල්ලවීමෙන් පසුව ජාලිය වික්‍රමසුරියට කිසිවිටෙක තානාපති වරප්‍රසාදවල රැකවරණ හිමි නොවේ.
මෙම චෝදනා ඔප්පු වුවහොත් ජාලිය වික්‍රමසුරියට ඇමෙරිකාවේ සිර දඩුවම් විදීමට සිදුවනු ඇත .
හිටපු ජනාධිපති පාර්ලිමේන්තු මන්ත්‍රී මහින්ද රාජපක්ෂ මහතාගේ මස්සිනා වන ජාලිය වික්‍රමසුරියට එරෙහිව ශ්‍රී ලංකාවේ ද මෙම මුල්‍ය අක්‍රමිකතාව මත නඩුවක් ගොනු වී ඇති අතර 2016 නොවැම්බර් 17 වෙනිදා කටුනායක ගුවන් තොටුපොළේදී ඔහුව පොලිස් මුල්‍ය අපරාධ විමර්ශන කොට්ඨාසය අත්අඩංගුවට ගෙන පසුදාම කොළඹ කොටුව මහේස්ත්‍රාත් අධිකරණයට ඉදිරිපත් කෙරිණි.
කෙසේ වෙතත් ඇසේ පවතින රෝගී තත්ත්වයකට ප්‍රතිකාරයක් ලබා ගැනීම සඳහා අධිකරණයේ අවසර මත 2017 වසරේ දී ඇමෙරිකාවට ගිය ඔහු යලිත් අධිකරණයේ පෙනී සිටියේ නැත.
ජාලිය වික්‍රමසූරිය හා ඔහුගේ ඇපකරුවන් ලෙස අධිකරණයට ඉදිරිපත් වූ සැකකරුගේ බිරිඳට හා ඔහුගේ ඥාති සොහොයුරිය වහා අත්අඩංගුවට ගන්නා ලෙස දන්වා කොළඹ කොටුව මහේස්ත්‍රාත් අධිකරණය කිහිප වරක්ම මේ වනවිට වරෙන්තු නිකුත් කර ඇත.
COMMENTS