ඉතා අවම මිල ගණන් යටතේ සේවය සැපයීම නිසා Pick Me ඇතුලු ටැක්සි සේවාවල නිරතව සිටින පවුල් පනස් දහසක පමණ ආදායම් මාර්ග දැඩි අර්බුදයකට ලක්ව ඇති බව...
ඉතා අවම මිල ගණන් යටතේ සේවය සැපයීම නිසා Pick Me ඇතුලු ටැක්සි සේවාවල නිරතව සිටින පවුල් පනස් දහසක පමණ ආදායම් මාර්ග දැඩි අර්බුදයකට ලක්ව ඇති බවට පවසමින් අද (22) උදෑසන කොළඹ නෙලුම් පොකුණ රඟහල අසලින් ඇරඹි උද්ගෝෂණයක් අතරතුර උණුසුම්කාරි තත්වයක් ඇතිවී තිබෙන බවට වාර්තා වනවා.
උද්ගෝශකයින් විසින් කොළඹ පිහිටි Uber ප්‍රධාන කාර්‍යාලයට වැටලීමට කටයුතු කිරීම නිසා මෙම ගැටුම හටගෙන තිබේ.
Pick Me සහ සාමාන්‍ය ටැක්සි සේවයන් විසින් රුපියල් 1500ක් අයකරනු ලබන ගමන්වාරයක් සදහා Uber විසින් රුපියල් 700ක් පමණක් අයකිරීම නිසා තමුන් දැඩි අසීරුතාවයකට පත්ව ඇතැයි උද්ගෝශකයින් ප්‍රකාශ කලේ.
පසුගිය සමයේදී ලෝකයේ බොහෝ රටවල Uber ටැක්සි සේවයට විරුද්ධව සාමාන්‍ය ටැක්සි සේවකයින් විසින් විරෝධතාවයන් දියත්කල අතර එයට හේතුව වනුයේ අඩු ගාස්තු අයකිරීමයි.
Uber ටැක්සි සේවය විසින් මෙලෙස අවම මිලක් අය කිරීමට හේතුව එම සමාගම විසින් කලු මුදල් සුදු කිරීමේ (මුදල් විශුද්ධිකරණය කිරීමේ ) ජාවාරමක නියැලීම බව චෝදනාවක් පවතී.
COMMENTS