හිටපු අගවිනිසුරු ප්‍රියසාද් ඩෙප් මහතා විශ්‍රාම යනතුරුම කිසිදු දිනක තීරු බදු රහිත වාහන බලපත්‍රය භාවිත නොකළ බව ශ්‍රේෂ්ඨාධිකරණ රෙජිස්ටාර් P....
හිටපු අගවිනිසුරු ප්‍රියසාද් ඩෙප් මහතා විශ්‍රාම යනතුරුම කිසිදු දිනක තීරු බදු රහිත වාහන බලපත්‍රය භාවිත නොකළ බව ශ්‍රේෂ්ඨාධිකරණ රෙජිස්ටාර් P.M.S. ධර්මකීර්ති මහතා පවසයි.
අගවිනිසුරුවරයා සිය ධුරයෙන් විශ්‍රාම ගැනීමෙන් අනතුරුව පැවති සමු ගැනීමේ උත්සවයේදී වැඩිදුරටත් අදහස් දක්වමින් ශ්‍රේෂ්ඨාධිකරණ රෙජිස්ටාර්වරයා විසින් පවසා සිටියේ ධුර කාලයේදී රජය විසින් ලබා දුන් ඉඩම පවා ආපසු රජය වෙත ලබා දුන් බවයි.
සිය විදෙස් ගමන් සඳහා රජය විසින් වෙන් කල මුදල පවා ආපසු පැමිණි විට රජය වෙත ගෙවීම ඔහු තුල මා දුටු තවත් විශේෂත්වයක් යනුවෙන් රෙජිස්ටාර් වරයා වැඩිදුරටත් පැවසිය.
ඔහු තව දුරටත් පවසා සිටියේ ප්‍රියසාද් ඩෙප් මහතා අගවිනිසුරු ධුරයට මෙතෙක් පත්වූ අය අතරින් සිටි හොඳම අගවිනිසුරුවරයා බවයි.
ප්‍රියසාද් ඩෙප් මහතා කොළඹ ශාන්ත ජෝසප් විද්‍යාලයේ ආදී සිසුවෙකු වන අතර සොලිසිටර් ජනරාල්වරයෙකු ලෙස නීති ක්ෂේත්‍රයේ කලක් කටයුතු කර අගවිනිසුරු ධුරය සඳහා පත්වුයේ පසුගිය 2011 වසරේදීය.
COMMENTS