ව්‍යවස්ථා සංශෝධනයක් තුළින් උතුරු හා නැගෙනහිර පළාත් ඒකාබද්ධ කොට දෙමළ වැසියන්ගේ ප්‍රශ්නයට දේශපාලන විසදුමක් ලබා දීමෙන් අනතුරුව දෙමළ ජාතික සන්...
ව්‍යවස්ථා සංශෝධනයක් තුළින් උතුරු හා නැගෙනහිර පළාත් ඒකාබද්ධ කොට දෙමළ වැසියන්ගේ ප්‍රශ්නයට දේශපාලන විසදුමක් ලබා දීමෙන් අනතුරුව දෙමළ ජාතික සන්ධානයේ බොහෝ දෙනෙකු යළි මැතිවරණ වලට ඉදිරිපත් නොවන බව එම්.ඒ සුමන්තිරන් මන්ත්‍රීවරයා ඊයේ (03) යාපනයේදී පැවසීය.
දෙමළ ජාතික සන්ධානයේ ප්‍රකාශක හා යාපනය දිස්ත්‍රික් පාර්ලිමේන්තු මන්ත්‍රී එම්.ඒ.සුමන්තිරන් මහතා යාපනයේදී මාධ්‍යවේදීන් පිරිසකට මේ බව කියා සිටියේය.
යාපනය දිස්ත්‍රික්කයේ මන්ත්‍රීවරුන් හත් දෙනෙකු සිටින බවත් ඉන් පස් දෙනෙකුම දෙමළ ජාතික සන්ධානයේ මන්ත්‍රීවරුන් බව කී සුමන්තිරන් මහතා පළාත් සභා මැතිවරණයට තරග කිරීම සදහා යාපනයේ සිටින දෙමළ ජාතික සන්ධානයේ කිසිම මන්ත්‍රීවරයෙකු තුළ අදහසක් නැතැයිද කියා සිටියේය.
උතුරු නැගෙනහිර අර්බුදයට දේශපාලන විසදුමක් සදහා දෙමළ ජාතික සන්ධානයේ අදහස් රජය විසින් මෑතකදී නැවත විමසා සිටී බව කී සුමන්තිරන් මන්ත්‍රීවරයා ඒ අවස්ථාවේද පක්ෂය කියා සිටියේ උතුරු නැගෙන හිර පළාත් දෙක නව ව්‍යවස්ථා සංශෝධනයකින් ඒකාබද්ධ කල යුතු බව යැයිද මන්ත්‍රීවරයා පැවසීය.
දෙමළ ජාතික සන්ධානය ඉල්ලා සිටින්නේ නව ව්‍යවස්ථාවක් තුළින් උතුරු නැගෙනහිර පළාත් ඒකාබද්ධකොට ඒ ව්‍යුහයට එසේත් නොමැතිනම් ඒ පළාතට ඒකීය රාජ්‍යයක් තුළ බලය බෙදා හැරෙන දේශපාලන විසදුමක් බව කී සුමන්තිරන් මන්ත්‍රීවරයා මේ ඉල්ලීම පෙඩරල් පාලනයක් ඉල්ලන බව කියමින් දකුණේ පිරිස සෙසු පිරිස් නොමග යවන බවද කියා සිටියේය.
තමන්ද පෙඩරල් පාලනයක් ඉල්ලා සිටින බවට බොහෝ මාධ්‍ය තොරතුරු පල කළත් ඒය සත්‍යයෙන් තොර බව කී සුමන්තිරන් මන්ත්‍රීවරයා දෙමළ ජාතික සන්ධානය ඉල්ලා සිටින්නේ පෙඩරල් පාලනයක් නොවන බවද කියා සිටියේය.
රජය නව ව්‍යවස්ථා සංශෝධනයකට යාමට පෙර උතුරේ වැසියන්ගේ ඉඩම් ප්‍රශ්නය මුලුමනින්ම විසදිය යුතු බවත්,යුද සමයේදී අතුරුදහන්වූවන්ගේ ප්‍රශනයට හා දේශපාලන සිරකරුවන්ගේ ප්‍රශ්නයට විසදුමක් ලබා දිය යුතු බවත් මේ සාකච්ඡාවේදී කියා සිටියේය.
(දිනසේන රතුගමගේ)
COMMENTS