නමුත් රජය දැන ගන්න, රට දැන ගන්න ජනතා විරෝධය තියෙනවයි කියන එක මතක් කර දීම අරමුණක් බව හිටපු ජනපති මහින්ද රාජපක්ෂ මහතා පැවසීය. මොනරාගල මාලි...
නමුත් රජය දැන ගන්න, රට දැන ගන්න ජනතා විරෝධය තියෙනවයි කියන එක මතක් කර දීම අරමුණක් බව හිටපු ජනපති මහින්ද රාජපක්ෂ මහතා පැවසීය.
මොනරාගල මාලිගාවිල රජමහා විහාරයේ බිනර පෙරහැර ආරම්භ කිරීමට විහාර මලුව ආලෝකමත් කිරීම ඊයේ පස්වරුවේ හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් සිදු කෙරිණි.
ඉන් අනතුරුව මාධ්‍ය වෙත අදහස් දක්වමින් ඒ මහතා මෙසේ පැවසීය.
“පාර්ලිමේන්තුව වට කරනවා කියලා කට්ටියක් බලාපොරොත්තු වෙනවා. මොන මොනා කරයිද දන්නේ නැහැ. අපි ඒක බලමු. නමුත් රජය දැන ගන්න, රට දැන ගන්න ජනතා විරෝධය තියෙනවයි කියන එක තමයි අපි කියන්නේ. මැතිවරණයක් තියන්නේ නැත්තම්, ප්‍රජාතන්ත්‍රවාදය ක්රියාත්මක වෙන්නේ නැත්තම් මේ රට තුළ අධිකරණ පිහිටුවනවා නම් පළි ගැනීම් සඳහා, ජනාධිපතිවරයාගේ බලතල ජනාධිපතිවරයා නොදැන අගමැතිවරයා විසින් පවරා ගන්නවා නම්, ජනාධිපතිවරයා විසින් පත් කරන ලද කොමිසමේ වාර්තාව පාර්ලිමේන්තුවේ පරාජය කරනවා නම් අගමැතිවරයා, මොකක්ද මේ රටේ තියෙන තත්ත්වය? රට විකුණන්න ඉඩ දෙන්න බැහැ. පොලිසියේ ලොක්කෝ ආණ්ඩුව කියන දේනේ කියන්නේ. වේලස්සනින් කියනවා අරවා කරන්න එපා, මේවා කරන්න එපා කියලා. දඹුල්ලේ කැලෑව ඇතුලේ වැවක ලොකු පාටියක් දැම්මා කුඩු පාටියක්. දවස් තුනක් තිස්සේ රාත්‍රී 3ක්. පොලීසිය ඕවා දන්නේ නැද්ද? පොලිස්පතිවරයා මේවා දන්නේ නැද්ද ? වැඩි දවසක් නැහැ දවස් තුනකට ඉස්සෙල්ලා. පොලිසියෙන් මොකක්ද ගත්ත පියවර ? දවස් තුනකට පස්සෙයි නුවර පොලීසිය ගියේ වැඩේ ඉවර වුනාට පස්සේ. මේවා ගැන පරීක්ෂණ නැහැ. ජනතාව ප්‍රජාතන්ත්‍රවාදී ලෙස පාරට බහින ඒක තමයි රුදාව.”
COMMENTS