රෝසි සේනානායක මහත්මිය නගරාධිපති ධුරයට පත්වීමෙන් පසු නිල කාමරයේ තිබූ පැරණි බුද්ධ ප්‍රතිමා වහන්සේ ඉවත් කර ඇතැයි පෙරේදා (19) අගමැති රනිල් වික...
රෝසි සේනානායක මහත්මිය නගරාධිපති ධුරයට පත්වීමෙන් පසු නිල කාමරයේ තිබූ පැරණි බුද්ධ ප්‍රතිමා වහන්සේ ඉවත් කර ඇතැයි පෙරේදා (19) අගමැති රනිල් වික්‍රමසිංහ මහතා සහභාගි වූ උත්සවයකදී ඕමල්පේ සෝභිත හිමියෝ පැවසූහ.
කොළඹ මහ නගර සභාවේ තිබූ බුද්ධ ප්‍රතිමා වහන්සේ නැවත එම ස්‌ථානයේ තැන්පත් කළ බව රෝසි සේනානායක මහත්මිය තමාට එම අවස්‌ථාවේම දුරකථනයෙන් දැනුම් දුන් බව අගමැතිවරයා එහිදී සිය කතාවේදී කියා සිටියේය.
කොළඹ නගරාධිපති කාර්යාලය අසල ඇති ඉපැරණි බුද්ධ ප්‍රතිමාව ඉවත් කිරීමේ සූදානමක් ඇති බවට පැතිරයන වාර්තා අසත්‍ය බව නගරාධිපතිනි රෝසි සේනානායක මහත්මිය පවසයි.
ඊයේ (20) එම බුද්ධ ප්‍රතිමාව අසලදීම මාධ්‍ය වෙත කරුණු දක්වමින් ඇය මේ පිළිබඳ කරුණු පැහැදිලි කළේය.
කොළඹ මහ නගර සභාවේ නගරාධිපති කාර්යාලය අසල ඇති වසර 62 ක් පැරණි බුද්ධ ප්‍රතිමාව ඉවත් කිරීමේ සූදානමක් ඇති බවට පසුගිය දින කිහිපය තුළ සමාජ ජාල මාධ්‍ය ඔස්සේ ප්‍රචාරය වී තිබුණි.
එහිදී නගරාධිපතිනි රෝසි සේනානායක මහත්මිය මෙසේ අදහස් දැක්වීය.
“මම උන්වහන්සේට ගෞරව පූර්වකව කියන්න කැමතියි බුදු පිළිම වහන්සේ තාමත් මෙතනම තියෙනවා. ගෞරවනීය ලෙස අපි එහෙමම තියෙනවා. මේක එදත් අදත් අනාගතයේදීත් අනිවාර්යෙන් ඒක තියෙන මේකට කිසිම අගෞරවයක් සිදු වෙන්න මම කටයුතු කරන්නේ නෑ. මේ අසත්‍ය ප්‍රකාශයක් කියන එකත්, බෞද්ධ රටක, බෞද්ධ පරිසරයක හැදී වැඩුණු මම කිසිවිටෙකත් කිසිදාකත් බුදු දහමට අගෞරව වෙන විදියට කටයුතු කරන්න නැහැ කියන එක පැහැදිලිව කිව යුතුයි.”
COMMENTS