යාපනයේ සියළුම මංමාවත් හා ගම්වල නම් නාම පුවරු යෙදීමේදී දෙමළ නම් දෙමළෙන් ඇති ආකාරයට දෙමළ භාෂාවට ප්‍රමුඛත්වය ලබා දෙමින් ප්‍රදර්ශනය කළ යුතු බ...
යාපනයේ සියළුම මංමාවත් හා ගම්වල නම් නාම පුවරු යෙදීමේදී දෙමළ නම් දෙමළෙන් ඇති ආකාරයට දෙමළ භාෂාවට ප්‍රමුඛත්වය ලබා දෙමින් ප්‍රදර්ශනය කළ යුතු බව උතුරු පළාත් ප්‍රධාන අමාත්‍ය සී.වී.විග්නේස්වරන් යාපනයේ සියළුම නිලධාරීන්ට දැනුම් දී තිබේ.
යාපනයේ පළාත් පාලන ආයතන නිලධාරීන් පිරිසක් සමග ඊයේ (18) යාපනයේදී පැවති සාකච්ඡාවකදී ප්‍රධාන අමාත්‍යවරයා මේ බව දැණුම් දී තිබේ.
බෞද්ධ භික්ෂූන් වහන්සේගේ හා ආරක්ෂක අංශ ප්‍රධානීන්ගේ වුවමනාවන් මත යාපනය ඇතුළු උතුරේ බොහෝ ගම්වල නම් නාමපුවරු වල යෙදීමේදී දෙමළ නම් සිංහලට පරිවර්තනය කොට යොදා ඇතත් එය විශාල වරදක් බවද ප්‍රධාන අමාත්‍යවරයා පවසා ඇත.
මේ සදහා උදාහරණ ගණනාවක් දී ඇති ප්‍රධාන අමාත්‍යවරයා යාපනයේ නාගදීපයක් නැති බවත් ඇත්තේ නයිනතීව් පමණක් බවත් නිලධාරීන්ට පෙන්වා දී තිබේ. නාගදීපයට යන පාර සම්බන්ධයෙන් යාපනයේ එක් ස්ථානයක සවිකොට ඇති නාම පුවරුව සම්පූර්ණයෙන්ම වැරදි බවද ප්‍රධාන අමාත්‍යවරයා පවසා ඇත.
වහාම මෙම නාමපුවරු නම් කිරීම ඉතා ඉක්මනින් සිදු කරණ ලෙස උපදෙස් දී ඇති ප්‍රධාන අමාත්‍යවරයා නාමපුවරු වල නම් යෙදීමේදී උතුරේ වැඩි ජනගහනයක් දෙමළ නිසා මුලින්ම ඒ නම් දෙමළ භාෂාවෙන්ද, විදේශීය සංචාරකයින් මේ පළාත්වලට පැමිණෙන නිසා දෙවණුවට ඉංග්‍රීසි භාෂාවෙන්ද තුන්වෙනුව සිංහලෙන්ද නාමපුවරු ලකුණු කරණ මෙන් දැනුම් දී තිබේ.
(දිනසේන රතුගමගේ)
COMMENTS