උතුරු පළාත් සභා අමාත්‍යධූරය සම්බන්ධයෙන් හටගෙන ඇති ගැටළුව හේතුවෙන් උතුරු පළාත් ප්‍රධාන අමාත්‍ය සි.වි.විග්නේශ්වරන් මහතා ඉල්ලීමක් කළහොත් තමන්...
උතුරු පළාත් සභා අමාත්‍යධූරය සම්බන්ධයෙන් හටගෙන ඇති ගැටළුව හේතුවෙන් උතුරු පළාත් ප්‍රධාන අමාත්‍ය සි.වි.විග්නේශ්වරන් මහතා ඉල්ලීමක් කළහොත් තමන් දරන උතුරු පළාත් කාන්තා හා ළමා කටයුතු අමාත්‍යධූරයෙන් ඉල්ලා අස්වන බව ආනන්දි සෂිදරන් මහත්මිය පවසයි.
උතුරු පළාත් සභාවේ අමාත්‍යවරුන්ගේ සංඛ්‍යාව පිළිබදව පැන නැගී ඇති ගැටළුව පිළිබදව මාධ්‍යවේදීන් අමාත්‍යවරියගෙන් කරුණු විමසූ අවස්ථාවේදී අමාත්‍යවරිය එසේ කියා සිටියාය.
සෂිදරන් මහත්මිය පැවසූවේ විග්නේශ්වරන් මහතාගේ තීරණයක් අභියෝගයට ලක් කරමින් උතුරු පළාත් හිටපු ධීවර,ප්‍රවාහන හා ග්‍රාමීය කටයුතු අමාත්‍ය පි.ඩෙනිශ්වරන් මහතා අභියාචනාධිකරණයේ ගොනුකළ නඩුවක් මඟින් විග්නේශ්වරන් මහතාගේ ක්‍රියාව අත්හිටුවා ඇති අවස්ථාවක පළාත් සභාවේ අමාත්‍යධූර සම්බන්ධයෙන් ගැටළුවක් මතුව ඇති බවයි.
පළාත් සභාවේ අමාත්‍යධූර පහක් පැවතිය යුතු අතර, අභියාචනාධිකරණ තීරණය හමුවේ හිටපු අමාත්‍ය ඩෙනිශ්වරන් මහතාගේ අමාත්‍යධුරය සම්බන්ධයෙන් ගැටළුවක් මතුව තිබිම හමුවේ පළාතේ අමාත්‍ය ධූර සංඛ්‍යාව වැඩි වි ඇති බවයි.
අදාළ ගැටළුව හමුවේ පළාත් ප්‍රධාන අමාත්‍යවරයා අපහසුතාවයට පත්ව ඇති අතර, පළාත් සභාවේ අමාත්‍යධූර සංඛ්‍යාව අඩු කිරීමට විග්නේශ්වරන් මහතා තීරණය කරමින් තමන්ට ඉල්ලා අස්වන ලෙසට ඉල්ලීම් කළහොත් තමන් දරන අමාත්‍යධූරයෙන් ඉල්ලා අස්වීමට කැමති බවද සෂිදරන් මහත්මිය පැවසුවාය.
විග්නේශ්වරන් මහතාගේ ප්‍රධාන අමාත්‍යධූරය ඉවත් කිරීමට පළාත් සභාව වෙත විශ්වාසභංග යෝජනාවක් ඉදිරිපත් වු අවස්ථාවේ ආනන්දි සෂිදරන් මහත්මිය විග්නේශ්වරන් මහතාගේ ධූරය රැක ගැනීම වෙනුවෙන් ඉලංගෙයි තමිල් අරසුකච්චි පක්ෂයේ තීරණයටද විරුද්ධ විය.
පළාත් සභාවේ අමාත්‍යවරුන් වෙත එල්ල වු චෝදනා හමුවේ විග්නේශ්වරන් මහතාගේ තීරණය හමුවේ පළාත් සභාවේ හිටපු ධීවර අමාත්‍ය පි.ඩෙනිශ්වරන් මහතා, පළාත් සභාව් හිටපු සෞඛ්‍ය අමාත්‍ය පි.සත්යවලිංගම් මහතා ඇතුළු පිරිසකගේ අමාත්‍යධූර ඉවත් කිරීමට විග්නේශ්වරන් මහතා පසුගිය සමයේ කටයුතු කළ අතර, අදාළ අමාත්‍ය ධූරයන් ඉවත් කිරීමට එරෙහිව පි.ඩෙනිශ්වරන් මහතා අභියාචනාධිකරණයේ නඩුවක් ගොනු කිරීමෙන් අනතුරුව අභියාචනාධිකරණය විග්නේශ්වරන් මහතාගේ තීරණය අත්හිටුවීමට නියෝග කරනු ලැබීය.
(දිනසේන රතුගමගේ)
COMMENTS