හිටපු ජනාධිපති මහින්ද රාජපක්ෂ මහතා යුද සමයේදී සිදු කළේ ආරක්ෂක මණ්ඩලයේදී නිදි කිරමින් සිටීම පමණක් බව ෆීල්ඩ් මාර්ෂල් අමාත්‍ය සරත් ෆොන්සේකා ම...
හිටපු ජනාධිපති මහින්ද රාජපක්ෂ මහතා යුද සමයේදී සිදු කළේ ආරක්ෂක මණ්ඩලයේදී නිදි කිරමින් සිටීම පමණක් බව ෆීල්ඩ් මාර්ෂල් අමාත්‍ය සරත් ෆොන්සේකා මහතා පවසයි.
කැලණිය ප්‍රදේශයේදී මාධ්‍යවේදීන් ඇසූ ප්‍රශ්න කිහිපයකට පිළිතුරු දෙමින් ඔහු මේ බව සඳහන් කළේය.
යුද්දය ඉදිරියට පවත්වාගෙන යන ලෙස මෙරට පත්වූ සෑම ජනාධිපතිවරයෙක්ම ලබා දුන් බවත් එය වචන දෙකක ඉදිරිපත් කිරීමක් බව ෆීල්ඩ් මාර්ෂල් අමාත්‍ය සරත් ෆොන්සේකා මහතා වැඩිදුරටත් පැවසීය.
එහිදී ඒ මහතා මෙසේ අදහස් දැක්වීය.
“යුද්ධ කාලේදී ගොඩක් වෙලාවට එයා කළේ ආරක්ෂක කවුන්සිලයේ නිදි කිරපු එක තමයි. මේ රටේ හිටපු හැම ජනාධිපති කෙනෙක්ම ඔය යුද්ධය ඉදිරියට ගෙනියන්න කියන නියෝගය පොදුවේ හමුදාවලට දීලා තිබුණා. ඒක හන්දා ඒ නියෝගය දෙන එක අමාරු වැඩක් නෙවෙයිනේ. වචන දෙකයිනේ. හමුදාපතිතුමා යුද්ධය කරන්න කියනවා. අන්තිමට බැලුවම අයියයි, මල්ලියිනේ වෙඩි තියලා තියෙන්නේ. ඔක්කොම කරලා තියෙන්නේ. ඒක විහිළුවක්. ඒක තමයි අනුර කුමාර දිසානායක මහත්තයා කියන්නේ. ඒ මුකුත් නොකර කොළඹට වෙලා හිටපු අයියයි මල්ලියි ඒ සඳහා විශාල කැපකිරීමක් කළා කියලා අපට කියන්නේ. ජෙනරාල් අනුරුද්ධ රත්වත්තේ ඉන්න කොට එයා අපි එක්ක යුධ භුමියේ හිටියා හුඟක් වෙලාවට. නමුත් ගෝඨාභය රාජපක්ෂ මගේ හෙලිකොප්ටරේ නැගලා දවස් 2ක් ගියා එක දවසක් නැගෙනහිරට, එක දවසක් උතුරට එච්චරයි. හමුදාපතිවරයාට තිබුණා වගකීමක් යුද්දේ දිනන්න. සුදූ වෑන්, පැහැර ගැනීම් ගෝඨාභය කරපු ඒවට හමුදාපතිට වගකීමක් ගන්න බැහැ.”
COMMENTS