20 වන ආණ්ඩුක්‍රම ව්‍යවස්ථා සංශෝධනයට විරුද්ධ වූවත් මහින්ද රාජපක්ෂ මහතාගේ රජය යටතේ ජනාධිපති ධූරය ඉවත් කිරීමට කටයුතු කරන බව ප්‍රජාතන්ත්‍රවාදී...
20 වන ආණ්ඩුක්‍රම ව්‍යවස්ථා සංශෝධනයට විරුද්ධ වූවත් මහින්ද රාජපක්ෂ මහතාගේ රජය යටතේ ජනාධිපති ධූරය ඉවත් කිරීමට කටයුතු කරන බව ප්‍රජාතන්ත්‍රවාදී වාමාංශික පෙරමුණේ නායක පාර්ලිමේන්තු මන්ත්‍රී වාසුදේව නානායක්කාර මහතා පවසයි.
ඔහු මේ අදහස් පළ කළේ කොළඹදී ඊයේ ( 27) පැවති ප්රවෘත්ති සාකච්ජාවකට එක්වෙමිනි.
එහිදී ඒ මහතා මෙසේ අදහස් දැක්වීය.
“දැන් මේ යෝජනාව සම්මත වුණොත් ඒ සම්මත වුණ වෙලාවේ ඉඳලා බලය මාරු වෙනවා රනිල් වික්‍රමසිංහ මහතාගේ අතට තනි බලයක් හැටියට. මේ නිසයි අපේ පක්ෂය යෝජනාවට විරුද්ධ. මහින්ද රාජපක්ෂ මහතා අගමැති හැටියට පත් වී ආණ්ඩුව හැදුවාට පසු ජනාධිපති බලය අහෝසි කරන්න අපි සූදානම්. අපි සිරිසේන මහතා සමඟ එකගත්වයකින් තමයි මේ ආණ්ඩුව පරාජය කරන්නේ. එහෙම කරාට පස්සේ අපි සිරිසේන මහතා දරණ ධූරය අවසන් කරනවා නම් එතුමාට පාර්ලිමේන්තුවෙන් පත් කරන ජනාධිපතිවරයකුගේ තත්ත්වය දරන්නට ඉඩ සලස්වන එකඟත්වයකට අපිට එන්න පුළුවන් කියලා මම විශ්වාස කරනවා. ජනාධිපති ඡන්දය තියන්නම වුණොත් චමල් හොදයි. චමල් මධ්‍යස්ථයි. චමල් රාජපක්ෂ මහතා ගැන මම කියන්නේ රාජපක්ෂ පවුලේ කෙනෙක් හැටියට සලකලා නෙවෙයි. ගෝඨාභය රාජපක්ෂ මහතාට අමාරුයි ජයග්‍රණය කරන්න කියන එකයි මගේ අදහස. ලේකම් හැටියට ඉන්න කාලේ මිලිටරි ක්‍රමයක් තමයි එතුමා අනුගමනය කළේ.”
COMMENTS