අයහපත් කාලගුණයෙන් පුද්ගලයන් 13314ක් පීඩාවට - වැස්ස තවදුරටත්

දිස්ත්‍රික්ක 12ම පවුල් 3438ක පුද්ගලයින් 13314කට බලපෑම් සිදු වී ඇති අතර මිය යෑම් 4ක්, තුවාල වූවන් 3ක්, නිවාස පුර්ණ හානි 1ක් හා අර්ධ හානි 1...

දිස්ත්‍රික්ක 12ම පවුල් 3438ක පුද්ගලයින් 13314කට බලපෑම් සිදු වී ඇති අතර මිය යෑම් 4ක්, තුවාල වූවන් 3ක්, නිවාස පුර්ණ හානි 1ක් හා අර්ධ හානි 173ක් වන අතර ආරක්‍ෂිත ස්ථාන සංඛ්‍යාව 20ක්, පවුල් සංඛ්‍යාව 285 , පුද්ගලයින් ගණන 1024කි.

අනුරාධපුර දිස්ත්‍රික්කයේ පවුල් 4ක පුද්ගලයින් 15කට බලපෑම් සිදු වී ඇති අතර පවුල් 4ක පුද්ගලයින් 15ක් ආරක්‍ෂිත ස්ථාන කරා යොමු කර ඇත. මුලතිව් දිස්ත්‍රික්කයේ අකුණු හේතුවෙන් පවුල් 3ක පුද්ගලයින් 15කට බලපෑම් සිදු වී ඇති දැඩි සුළඟ හේතුවෙන් පවුල් 7ක පුද්ගලයින් 23කට බලපෑම් සිදු වී ඇති අතර අර්ධ හානි 7ක් සිදු වී ඇත.

ත්‍රිකුණාමලය දිස්ත්‍රික්කයේ අකුණු ගැසීම් හේතුවෙන් පවුල් 2කට බලපෑම් සිදු වී ඇති අතර පුද්ගලයින් 10කට බලපෑම් සිදු වී ඇති අතර මිය ගිය සංඛ්‍යාව 2කි. නුවර දිස්ත්‍රික්කයේ ඉවුරු කඩා වැටීම හා දැඩි වර්ෂාපතනය හේතුවෙන් පවුල්18ක් පුද්ගලයින් 67කට බලපෑම් සිදු වී ඇති අතර තුවාල ලැබූවන් ගණන 2ක් වන අතර පුර්ණ නිවාස හානි 1ක් හා අර්ධ නිවාස හානි 9ක් වාර්තා වේ.

නුවරඑළිය දිස්ත්‍රික්කයේ දැඩි වර්ෂාව, නාය යෑම්, ඉවුරු කඩා වැටීම් හේතුවෙන් පවුල් 29ක පුද්ගලයින් 131කට බලපෑම් සිදු වී ඇති අතර නිවාස අර්ධ හානි 9කි. බදුල්ල දිස්ත්‍රික්කයේ නාය යෑම්, ඉවුරු කඩා වැටීම් හේතුවෙන් පවුල් 51ක පුද්ගලයින් 207කට බලපෑම් සිදු වී ඇති නිවාස අර්ධ හානි 1කි.

කෑගල්ල දිස්ත්‍රික්කයේ නාය යෑම්, ගංවතුර හා ඉවුරු කඩා වැටීම් හේතුවෙන් පවුල් 411ක පුද්ගලයින් 1472කට බලපෑම් සිදු වී ඇති අතර මිය යෑම් 1ක් හා තුවාල පුද්ගලයින් 1ක් වන අතර නිවාස අර්ධ හානි 3කි. රත්නපුර දිස්ත්‍රික්කයේ නාය යෑම්, ගංවතුර හා ඉවුරු කඩා වැටීම් හේතුවෙන් පවුල් 253ක පුද්ගලයින් 927කට බලපෑම් සිදු වී ඇති අතර නිවාස අර්ධ හානි 2කි.

ගාල්ල දිස්ත්‍රික්කයේ දැඩි වර්ෂාව හේතුවෙන් පවුල් 1960ක පුද්ගලයින් 7742කට බලපෑම් සිදු වී ඇති අතර අර්ධ නිවාස හානි 144කි. කළුතර දිස්ත්‍රික්කයේ දැඩි වර්ෂාව හේතුවෙන් පවුල් 71ක පුද්ගලයින් 317කට බලපෑම් සිදු වී ඇති අතර අර්ධ නිවාස හානි 3කි.

කුරුණෑගල දිස්ත්‍රික්කයේ දැඩි වර්ෂාව හේතුවෙන් පවුල් 491ක පුද්ගලයින් 1846කට බලපෑම් සිදු වී ඇත. පුත්තලම දිස්ත්‍රික්කයේ ගංවතුර හේතුවෙන් පවුල් 138ක පුද්ගලයින් 542කට බලපෑම් සිදු වී ඇති අතර 1 පුද්ගලයෙකු මිය ගොස් ඇත.

ඉදිරි දිනවලදීත් දිවයිනේ නිරිත දිග කොටසේ පවතින වැසි සහිත කාලගුණ තත්ත්වය සහ අහස වළාකුලින් බර ස්වභාවය තවදුරටත් බලාපොරොත්තු වේ.

බස්නාහිර,දකුණු,සබරගමුව, මධ්‍යම සහ වයඹ පළාත්වල විටින් විට වැසි හෝ ගිගුරුම් සහිත වැසි ඇති වේ.

සෙසු පළාත්වල විශේෂයෙන් සවස 2.00 න් පසු වැසි හෝ ගිගුරුම් සහිත වැසි ඇති වේ.

සබරගමුව, බස්නාහිර සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මි.මී.150 ක පමණ ඉතා තද වැසි ඇති විය හැක.

මධ්‍යම සහ ඌව පළාත්වලත් හම්බන්තොට දිස්ත්‍රික්කයෙත් ඇතැම් ස්ථානවලට මි.මී.100ට වැඩි තද වැසි ඇති විය හැක.

ගිගුරුම් සහිත වැසි ඇති වන විට එම ප්‍රදේශවල තාවකාලිකව තද සුළං ඇති විය හැක.

අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.