ආණ්ඩුවෙන් ඉවත් වූ ශ්‍රීලනිපයේ 16 දෙනාට නැවත ඇමැති ධූර ලබා දීමට සූදාකම් බවත් ඔවුන් නැවත ආණ්ඩුවට පැමිණියහොත ඒ අය වෙනුවෙන් සටන් කිරීමටද සුදාන...
ආණ්ඩුවෙන් ඉවත් වූ ශ්‍රීලනිපයේ 16 දෙනාට නැවත ඇමැති ධූර ලබා දීමට සූදාකම් බවත් ඔවුන් නැවත ආණ්ඩුවට පැමිණියහොත ඒ අය වෙනුවෙන් සටන් කිරීමටද සුදානම් බවත් වරාය හා නාවික කටයුතු අමාත්‍ය මහින්ද සමරසිංහ මහතා පවසයි.
ඒ අනුව ආණ්ඩුවෙන් ඉවත් වූ 16 දෙනාට නැවත තනතුරු ලබාදී දිගටම ආණ්ඩුවේ රැඳී සිටීමට ශ්‍රී ලංකා නිදහස් පක්ෂය තීරණය කර තිබෙන බවද ඊයේ (24) පැවැති මධ්‍යම කාරක සභා රැස්වීමේදී 16 දෙනා ආණ්ඩුවෙන් ඉවත් වීම පිළිබඳව වචනයක් කතා නොකළ බවද අමාත්‍යවරයා සඳහන් කළේය.
23 දෙනෙකු දැනට ආණ්ඩුවේ රැඳී සිටින බවත් ඉවත් වූ 16 දෙනාට තනතුරු ලබාදෙන ලෙසට අගමැති රනිල් වික්‍රමසිංහ මහතාගෙන් ඉල්ලීමක් කළ බවත් ඒ මහතා කියා සිටියේය.
අමාත්‍යවරයා මේ බව පැවසූවේ කොළඹ ඩාලි පාරේ පිහිටි ශ්‍රී ලංකා නිදහස් පක්ෂ මුලස්ථානයේ අද (25) පැවැති සාකච්ඡාවකදීය.
එහිදී අමාත්‍යවරයා මෙසේද පැවසී ය,
“ආණ්ඩුවෙන් ඉවත් වු අපේ 16 දෙනාට ආපහු ඇමැතිකම් දෙන්න ඕනි. ආණ්ඩුවට නැවත එනවානම් අප ඒ අය වෙනුවෙන් සටන් වදින්න සුදානම්. මධ්‍යම කාරක සභා රැස්වීමේදී විපක්ෂයට යාමක් ගැන සාකච්ඡා කළේ නැහැ. අපේ 39 දෙනාම ඉන්නේ ජනාධිපතිතුමා එක්ක එකට ගමන් කළ යුතුයි කියන මතයයි. අපේ ඇමැතිවරු 16 දෙනෙක් ආණ්ඩුවෙන් ඉවත් වුණා.“
නැවත ආණ්ඩුව සම්බන්ධවීමට ඒ අයට අවස්ථාව උදා කර දිය යුතුයි. එනවානම් අපි ඒ අය වෙනුවෙන් සටන් වදිනවා.“ යනුවෙන්ද අමාත්‍යවරයා වැඩිදුරටත් පැවසී ය.
COMMENTS