ගාල්ල මහ නගර සභාවට නගරාධිපතිවරයෙකු තෝරා පත් කර ගැනීම සදහා අද (23) පැවති රහස් ඡන්ද විමසීමේදී ශ්‍රී ලංකා පොදුජන පෙරමුණේ නාගරික මන්ත්‍රි ප්‍ර...
ගාල්ල මහ නගර සභාවට නගරාධිපතිවරයෙකු තෝරා පත් කර ගැනීම සදහා අද (23) පැවති රහස් ඡන්ද විමසීමේදී ශ්‍රී ලංකා පොදුජන පෙරමුණේ නාගරික මන්ත්‍රි ප්‍රියන්ත ගොඩගම සහබන්දු මහතා වැඩි ඡන්ද නවයකින් නගරාධිපතිවරයා ලෙස තේරි පත් විය.
මේ සදහා පැවති රහස් ඡන්ද විමසීමේදී ප්‍රියන්ත ගොඩගම සහබන්දු මහතා ඡන්ද විස්සක් ලබා ගත් අතර එක්සත් ජාතික පක්ෂයෙන් තරග කළ කතලුව කොඩිකාරගේ ජිලිත් නිශාන්ත මහතාට ඡන්ද එකොළහක්ද ලැබුණි.
ඡන්ද විමසීමේදී ජනතා විමුක්ති පෙරමුණේ මන්ත්‍රිවරුන් තිදෙනා සහ ස්වාධින කණ්ඩායමේ යු.පි මන්ත්‍රිවරයාද ඡන්දය දීමෙන් වැලකී සිටියහ.
මෙහිදී නියෝජ්‍ය නගරාධිපතිවරයා ලෙස එක්සත් ජාතික පක්ෂයේ මොහමඩ් පවුසල් නියාස් මහතා නිතරගයෙන් පත් විය ගාල්ල මහ නගර සභාව සදහා නගරාධිපතිවරයකු හා උප නගරාධිපතිවරයකු තෝරා ගැනීම සදහා ඊයේ ගාල්ල මහ නගර සභාවේ මංගල රැස්විම පැවැත්විණි.
එහිදි නගරාධිපතිවරයා හා උප නගරාධිපති යන තනතුරු සදහා තෝරා පත් කර ගැනීමට රහස් ඡන්දයක් පවත්වන ලෙස ප්‍රියන්ත සහ බන්දු මන්ත්‍රිවරයා යෝජනා කළ අතර පරාක්‍රම දහනායක මහතා එය ස්ථිර කළේය. පසුව එම යෝජනාව සම්බන්දයෙන් ඡන්ද විමසිමක් කළ අතර රහස් ඡන්දයක් පවත්වන ලෙස මන්ත්‍රිවරු විසි දෙදෙනෙකු ඡන්දය පාවිච්චි කළ අතර විවෘත ඡන්දයක් පවත්වන ලෙස ඉල්ලා මන්ත්‍රිවරු දහ දෙනෙකු ඡන්දය පාවිච්චි කළහ.
ඒ අනුව නගරාධිපති තනතුර සදහා රහස් ඡන්ද විමසීමක් පැවති අතර ශ්‍රි ලංකා පොදුජන පෙරමුණින් නගරාධිපතිධුරය සදහා ප්‍රියන්ත සහ බන්දු මහතාගේ නම නාගරික මන්ත්‍රි පරාක්‍රම දහනායක මහතා විසින් යෝජනා කළ අතර එය රත්නපාල මන්ත්‍රිවරයා විසින් එය ස්ථිර කරණු ලැබිය.
එජාපයෙන් නගරාධිපති තනතුර සදහා ජිලිත් නිගාන්ත මන්ත්‍රිවරයාගේ නම ගුණසෝම ගමගේ මන්ත්‍රිවරයා යෝජනා කළ අතර සන්ධානයේ නාගරික මන්ත්‍රි දේශප්‍රිය ලියනගේ මහතා එය ස්ථිර කරනු ලැබිය.
ඒ අනුව පැවති රහස් ඡන්ද විමසිමේදි ශ්‍රි ලංකා පොදුජන පෙරමුණින් තරගකළ ප්‍රියන්ත සහ බන්දු මන්ත්‍රිවරයාට ඡන්ද විස්සක් ලැබුණු අතර එජාප නාගරික මන්ත්‍රි ජිලිත් නිශාන්ත මහතාට ඡන්ද එකොළහක් ලැබුණි. ඒ අනුව වැඩි ඡන්ද නමයකින් ප්‍රියන්ත සහබන්දු මන්ත්‍රිවරයා ගාල්ල මහ නගර සභාවේ නගරාධිපති ධුරයට තේරි පත්විය.
උප නගරාධිපති ධුරය සදහා එජාප නාගරික මන්ත්‍රි පවුසල් මහතාගේ නම නගරාධිපති ධුරය සදහා පත්වු ප්‍රියන්ත සහබන්දු මහතා යෝජනා කළ අතර සුසන්ත කරුණාරත්න මහතා එය ස්ථිර කරනු ලැබිය.
ඒ අනුව පවුසල් නියාස් මහතා වැඩි නිතරගයෙන් උප නගරාධිපති තනතුර සදහා තේරි පත්විය. ගාල්ල මහ නගර සභාව සදහා එජාපයට මන්ත්‍රිධුර 14 ක් හිමිවි ඇති අතර ශ්‍රි ලංකා පොදුජන පෙරමුණට හිමිවි ඇති මන්ත්‍රි ධුර සංඛ්‍යාව 13කි. ජ.වි.පෙට මන්ත්‍රි ධුර 03ක් හා ස්වාධින කණ්ඩායමට එක් මන්ත්‍රි ධුරයක් හා කෙසෙල් ඇවරිය ලකුණෙන් තරග කළ එක්සත් ජාතික නිදහස් පෙරමුණට එක් මන්ත්‍රි ධුරයක් හිමිවි තිබුණි.
එජාපයෙන් තේරි පත් වූ මුස්ලිම් නාගරික මන්ත්‍රිවරු 07 දෙනෙකු පොහොට්ටුව සමග එක්ව ඡන්දය ප්‍රකාශ කිරිම නිසා තමන් පරාජයට පත්වු බව එජාප නාගරික මන්ත්‍රි ජිලිත් නිශාන්ත මහතා අප කළ විමසුමකදි පැවසිය.
ගාල්ල මහ නගරසභාවේ නගරාධිපති ධුරය එජාපයටත් උප නගරාධිපති ධුරය එ.ජ.නි. සන්ධානයට බෙදා ගැනීමට ඇමති වජිර අබේවර්ධන හා නියෝජ්‍ය ඇමති මනුෂ නානායක්කාර යන මහත්වරුන් අතර එකගතාවයක් ඇතිවිනි.
දකුණු පළාත් පාලන කොමසාරිස් රනිල් වික්‍රමසේකර මහතාගේ ප්‍රධානත්වයෙන් ගාල්ල මහ නගරසභාවේදී මෙම ඡන්ද විමසීම පැවැත්වුනි.
(ගාල්ල ලලිත් චාමින්ද)
COMMENTS