කැලණි ගඟට අයත් කොස්ගම, කපුගොඩ තොටුපලේ දිය නාමින් සිටි තරුණයින් දෙදෙනෙකු දියේ ගිලී අතුරුදන්ව තිබේ. තරුණයින් තිදෙනෙකු ඊයේ (20) පස්වරුවේ අදා...
කැලණි ගඟට අයත් කොස්ගම, කපුගොඩ තොටුපලේ දිය නාමින් සිටි තරුණයින් දෙදෙනෙකු දියේ ගිලී අතුරුදන්ව තිබේ.
තරුණයින් තිදෙනෙකු ඊයේ (20) පස්වරුවේ අදාළ තොටුපලේ දියනෑම සඳහා ගොස් ඇති අතර ඉන් දෙදෙනෙකු දියේ ගිලී අතුරුදන්ව ඇති බව වාර්තා වේ.
ප්‍රදේශවාසීන් හා කොස්ගම පොලිස් ස්ථානයේ නිලධාරීන් එක්ව සෝදිසි මෙහෙයුම් සිදුකළ ද තරුණයින් දෙදෙනා සොයාගැනීමට නොහැකි වූ බව ද වාර්තා වේ.
මෙලෙස අතුරුදන්ව ඇත්තේ කහටපිටිය, ශාලාවත්ත ප්‍රදේශ වල පදිංචි 19 හා 20 හැවිරිදි තරුණයින් දෙදෙනෙකි.
අද (21) උදෑසන සිට තරුණයින් සෙවීමේ මෙහෙයුම් නැවත ආරම්භ කිරීමට නියමිත අතර කොස්ගම පොලීසිය මේ සම්බන්ධයෙන් විමර්ශන සිදු කරයි.
COMMENTS