මේවන විට ජනතාවට දේශපාලනය එපාවී ඇති බවත් පක්ෂයක් ලෙස එජාපයේද වැරැදි තිබිය හැකි බවත් එක්සත් ජාතික පක්ෂ උපනායක, පාර්ලිමේන්තු මන්ත්‍රී රවී කරු...
මේවන විට ජනතාවට දේශපාලනය එපාවී ඇති බවත් පක්ෂයක් ලෙස එජාපයේද වැරැදි තිබිය හැකි බවත් එක්සත් ජාතික පක්ෂ උපනායක, පාර්ලිමේන්තු මන්ත්‍රී රවී කරුණානායක මහතා පවසයි.
ඒවා නිවැරදි කරගෙන ඉදිරියට යාම අවශ්‍ය වන බවත් එජාපයට විරුද්ධව මඩ ප්‍රචාර එල්ල විය හැකි බවද හෙතෙම සඳහන් කළේය.
කරුණානායක මහතා මේ බව සඳහන් කළේ පසුගියදා සිරිකොත එජාප මූලස්ථානයේ පැවති කොළඹ මහ නගර සභාව සඳහා එක්සත් ජාතික පක්ෂයෙන් තරග වදින අපේක්ෂකයින් 113 දෙනා කැදවා පැවති දැනුවත් කිරීමේ වැඩසටහනට එක්වෙමිනි.
වැඩිදුරටත් අදහස් දැක්වු කරුණානායක මහතා "දැන් ජනතාවට දේශපාලනය එපාවෙලා තියෙන්නෙ, තනි පක්ෂයක් විදිහට එක්සත්ජාතික පක්ෂය කෙරෙහි ජනතාව විශාල බලාපොරොත්තු තබාගෙන සිටිනවා. එජාප පාලනයක් තුලින් රටේ ආර්ථිකය ශක්තිමත් වන බව ජනතාවගේ පොදු පිළිගැනීමයි. 2015 අගෝස්තු වේ එජාපය රටේ ජාතික බලය ලබාගත්තා, දැන් අපි ගමේ බලය පෙන්වන්න ඕනෑ. පක්ෂයක් විදිහට අපි ලගත් වැරැදි තියෙන්න පුළුවන්, ඒවා නිවරදි කරගෙන ඉදිරියට යාම තමා අවශ්‍ය වෙන්නෙ. අපට විරුද්ධව මඩ ප්‍රචාර එල්ල වේවි. ඒවට සැලෙන්න එපා." යැයිද රවී කරුණානායක මහතා වැඩිදුරටත් පැවසී ය.
රවී කරුණානායක මහතාගේ ප්‍රධානත්වයෙන් පැවැති මෙම දැනුවත් කිරීමේ වැඩසටහනට කොළඹ දිස්ත්‍රික් එජාප පාර්ලිමේන්තු මන්ත්‍රී මුජිබර් රහුමාන් මහතා, කොළඹ නගරාධිපති අපේක්ෂිකා රෝසි සේනානායක මහත්මිය ඇතුළු පිරිසක් සහභාගී වී සිටියහ.
COMMENTS