බැඳුම්කර කොමිසමේ වාර්තාව සති දෙකකින් ප්‍රසිද්ධ කරන බවට ජනාධිපතිවරයා පොරොන්දු වි තිබුණ ද කොමිසම ඉදිරියේ ඉදිරිපත් වු වැදගත් සාක්ෂි රැසක් වාර...
බැඳුම්කර කොමිසමේ වාර්තාව සති දෙකකින් ප්‍රසිද්ධ කරන බවට ජනාධිපතිවරයා පොරොන්දු වි තිබුණ ද කොමිසම ඉදිරියේ ඉදිරිපත් වු වැදගත් සාක්ෂි රැසක් වාර්තාවේ නොමැති බවත් එම තොරතුරු ජනතාවට අදාළ බවත් පිවිතුරු හෙළ උරුමයේ නායක උදය ගම්මන්පිල මහතා පවසයි.
අද (03) පැවති එම පක්ෂයේ මාධ්‍ය හමුවට එක්වෙමින් ගම්මන්පිල මහතා මෙම අදහස් පළ කළේය.
වාර්තාවේ අඩංගු වන්නේ කොමිසමේ නිර්දේශ හා ඒවාට පදනම් වු කොමිසම ඉදිරියේ ලබා දුන් සාක්ෂිවලින් උපුටා ගත් කොටසක් පමණක් බව ද ඔහු වැඩි දුරටත් පැවසීය.
ඇමතිවරු කොමිස් විදියට ගෙවල් ගත් හැටි, මුල්‍ය වෙළඳපොළේ සිටින රාජ්‍ය නිලධාරීන්ට පගාව දුන් හැටි, ඇමතිවරු සොරකම සාධාරණීකරණය කරමින් පාද සටහන් යෙදූ හැටි, මේ සියල්ල සාක්ෂිවල තිබෙන බව ද කියා සිටියේය.
අල්ලස් කොමිසමට සහ නීතිපතිට මෙම වැරදි සඳහා නඩු පැවරිය හැක්කේ මේ තොරතුරු නිල වශයෙන් ඔවුන්ට ලබා දුන්නොත් පමණක් බවත්, එබැවින් කොමිසමේ වාර්තාවට උපලේඛනයක් ලෙස මෙම සියලුම සාක්ෂි ලබා දෙන ලෙස ඉල්ලා සිටින බවත් ගම්මන්පිල මහතා පවසයි.
COMMENTS